Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada karantınge qaramastan balalary oıyn klýbtarynda júrgen 111 ata-ana jazalandy

2021 jyldyń 20 qańtar 2021 12:38

NUR-SULTAN. QazAqparat – Nur-Sultan qalasynyń ıývenaldy polıtsııa qyzmetkerleri kámeletke tolmaǵandar arasyndaǵy tártip buzý men qylmystyń aldyn alý maqsatynda únemi tekserý júrgizip turady, dep habarlaıdy QazAqparat Nur-Sultan qalasynyń Polıtsııa departamentine silteme jasap.

Jyl basynan beri ıývenaldy qyzmet polıtseıleri kámelet jasyna tolmaǵan balalardyń túnde oıyn-saýyq mekemeleri men kóshede júrgeni úshin 111 zańdy ókildi jazalady.

Jasóspirimderdiń oıyn-saýyq mekemelerinde júrgenine ata-ana ǵana emes, mekeme basshysy da jaýap beredi.

Ótken jeksenbide polıtseıler ákimdik pen Nur-Sultan qalasynyń Qalalyq orta sapasy jáne baqylaý basqarmasy ókilderimen birlesip 23:00-de Abylaı han dańǵylynda ornalasqan «R the Room» kompıýter klýbynda 17 jastaǵy jasóspirimniń bolǵanyn anyqtady.

Oıyn-saýyq mekemesiniń basshysy QR ÁQBtK 132-baby boıynsha jaýapqa tartylyp, oǵan aıyppul salyndy. Sondaı-aq karantın tártibin buzǵany úshin ákimshilik jaýapqa tartý maqsatynda mekeme basshysyna qatysty materıal jınalyp, Nur-Sultan qalasynyń Qalalyq orta sapasy jáne baqylaý basqarmasyna jiberildi.

Polıtsııa departamenti kámelet jasyna tolmaǵan balalarǵa 22:00-6:00 aralyǵynda oıyn-saýyq mekemelerine barýǵa, al 23:00-6:00 aralyǵynda kóshede zańdy ókilinsiz júrýge tyıym salynatynyn eskertedi. Bas sanıtarııa dárigeriniń qaýlysymen kompıýter jáne oıyn klýbtarynyń qyzmeti múldem toqtatylǵan.

Polıtsııa departamenti balalardyń 22.00-den keıin baqylaýsyz kóshede júrgeni úshin jáne sýbektilerdiń karantın erejesin saqtamaǵany úshin ákimshilik jaýapqa tartylatynyn eskertedi.


Basty sózder: Nur-Sultan, Karantın, Zań, Koronavırýs,
Joǵary qaraı