Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada qarjy pıramıdalarynyń qyzmeti kóptep taralýda

2021 jyldyń 13 qazan 2021 16:17

NUR-SULTAN. QazAqparat – Internet jelisinde pıramıda túrimen jumys istep júrgen saıttardyń «egizderi» kóptep taralýda. Alaıaqtar birneshe saıt quryp, olardy kóbine Advacash, Forex, Binance, MetaTrade jáne t.b saıttardyń atymen usynýda, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Bastapqyda alaıaqtar jappaı hat taratyp, túrli saıttar men áleýmettik jelilerde jarnamalyq usynystar jarııalaıdy, túrli abonenttik nómirlerden telefon soǵady.

Krıptobırjalarda saýdany júzege asyrý úshin platformaǵa aqsha ınvestıtsııalaýdy usynady. Bul jarnamalarda máselen, 100 dollar salsań, ony 10 ese kóbeıtýge bolatyny aıtylǵan. Odan keıin qaskúnemder brokerdiń jalǵan saıty men jeke kabınetin quryp, bolashaq «qurbanyna» qoljetimdi etedi. Bul rette alaıaqtar jeke kabınette shottyń aqshaǵa qanshalyqty tolǵanyn paıdalanýshymen birdeı kóre alady.

Odan keıin paıdalanýshy foreks-bırjada oıynǵa kirisip, uta bastaıdy. Alaıda is júzinde bul «oıyndy» qashyqtan alaıaqtar basqarady. Oıyn qyzyǵyna kirip ketken paıdalanýshy aqshany odan da kóp tigip, ony oıyn barysynda utty dep sanaıdy, is júzinde barlyq qarajatty alaıaqtar tartyp alady. Paıdalanýshy utysyn jeke kabınetten shyǵarý sheshimin qabyldaǵanda, broker oıynnan shyǵý ushin saqtandyrý jarnasyn, aıyppul sankııalaryn tóleý jáne oıdan shyǵarylǵan t.b sharttardy oryndaý qajet ekenin aıtady. Bul protsess uzaq ýaqytqa sozylýy múmkin, odan keıin brokerden baılanys úzilip, saıt jabylyp úlgeredi.

Nur-Sultan qalasy polıtsııa departamenti krımınaldyq polıtsııa basqarmasynyń bastyǵy Dmıtrıı Demıdov alaıaqtar áreketteriniń qalaı qurbany bolmaý týraly baıandap berdi: «Eń bastysy – qyraǵy bolyp, ǵajaıyp bolatynyna senbeý kerek, eshqandaı pıramıdalardyń jumys istemeıtinin umytpaǵan jón. Birinshiden, dılerdiń lıtsenzııasynyń bar-joǵyn tekserý qajet. Ony Internetten qaraýǵa bolady.

Ekinshiden, tólem málimetterin toltyrý jáne aqshalaı qarajatty aýdarar aldynda saıttyń adresin muqııat teksergen abzal. Zańnamaǵa sáıkes, azamattardyń jeke málimetterin óndeıtin kez kelgen resýrs elimizdiń aýmaǵynda ornalasýy tıis. Eger hostıng shetel memleketiniń aýmaǵynda ornalasqan bolsa – qosymshany jaýyp, bul tarappen baılanysty úzińiz. Sondaı-aq, domen sý jańa bolyp, jeke tulǵanyń atyna tirkelse, onymen baılanysý qajet emes».


Basty sózder: Internet, Nur-Sultan, Qylmyspen kúres,
Joǵary qaraı