Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada Qazaq radıosynyń 100 jyldyǵyna arnalǵan mýral paıda boldy

2021 jyldyń 30 shilde 2021 05:25

NUR-SULTAN. QazAqparat - Strıt-art joba radıoarnanyń dırektory Dýlat Abıbýllaev pen elorda ákimdiginiń bastamasymen, sondaı-aq qalalyq ýrbanıstıka ortalyǵynyń kómegimen júzege asyryldy.

Mýralda Máńgilik El ıdeıasy beınelengen, ol Qazaq radıosynyń ǵasyrlyq tarıhı evolıýtsııasymen ushtasqan.

«Táýelsizdiktiń 30 jyldyǵy aıasynda bıyl birqatar qoǵamdyq-mádenı sharalar júzege asyryldy. Mysaly, Nur-Sultanda bizdiń radıonyń redaktsııasynyń janyndaǵy kóshelerdiń biri «Qazaq radıosy kóshesi» dep ataldy. BAQ qyzmetkerleriniń kásibı merekesi qarsańynda Memleket basshysy Q. Toqaev 1 qazandy - Radıo qyzmetkerleri kúni dep jarııalaýdy usyndy. Dál osy kúni, osydan 100 jyl buryn Qazaq radıosy óziniń habar taratýyn bastady. Ardagerler men radıo qyzmetkerleri bul bastamany zor qýanyshpen qabyldady.

Mýral qalanyń kórikti jerinde, Saýran men Syǵanaq kósheleriniń qıylysynda ornalasqan. Nur-sultan qalasynyń ákimdigine, Esil aýdanynyń ákimdigine jáne qalalyq ýrbanıstıka ortalyǵyna zor alǵysymdy aıtqym keledi. Bul jer radıo súıer qaýym men qala turǵyndary úshin taǵy bir aıshyqty oryndardyń biri bolady degen úmittemin«, - dedi «Qazaq radıolary» JShS Bas redaktory – «Qazaq radıosy» radıoarnasynyń dırektory Dýlat Abıbýllaev.

Qazaq radıosy Orynbordan habar taratýdy 1921 jyly halyq aǵartýshysy Ahmet Baıtursynovtyń bastamasymen bastady jáne qazir el aýmaǵynyń 90% - na habar taratady. Radıonyń mereıtoıy aıasynda elordada birqatar qoǵamdyq jobalar júzege asyryldy. Mysaly, barlyq avtobýs aıaldamalary Qazaq radıosynyń kásibı dıktorlarymen jáne qoǵamdyq oryndarda, muz aıdyndarynda jáne t/j vokzaldarynda Qazaq radıosynyń habar taratýy uıymdastyryldy.


Basty sózder: Nur-Sultan, BAQ,
Joǵary qaraı