Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Elordada qazaq tilinen orys tiline ilespe aýdarma júrgizý kýrsy ótkiziledi

2020 jyldyń 19 maýsym 2020 16:36

NUR-SULTAN. QazAqparat – «Til-Qazyna» ortalyǵy qazaq tilinen orys, orys tilinen qazaq tiline ilespe aýdarma júrgizýdi úıretý kýrsyn ótkizedi, dep habarlaıdy QazAqparat tilshisi.

Ortalyq kýrsty memlekettik tildiń qoldanys aıasyn keńeıtý, ilespe aýdarmashylardyń biliktiligin arttyrý maqsatynda uıymdastyrmaq.

«Aýdarmashy mamandarǵa aýdarma teorııasy men praktıkasy, qazaq tiliniń resmı stıli, aýdarmanyń leksıka – grammatıkalyq jáne redaktsııalaý máseleleri aıasynda oqý-ádistemelik kómek kórsetiledi. Kýrsta aýdarma teorııasy, jazbasha aýdarma men aýyzsha aýdarmanyń erekshelikteri, ilespe aýdarmashyǵa qajetti bazalyq grammatıkalyq jáne frazeologııalyq úlgileri, sózdik qordy baıytý jumystary boıynsha dárister oqylady. Sonymen qatar, aýdarmashy mamandarǵa aýdarma teorııasy men praktıkasy, aýdarmatanýdyń ózekti máseleleri sheńberinde oqý-ádistemelik kómek kórsetilip, aýdarma salasyndaǵy ǵalym mamandar ozyq tájirıbesimen bólisedi», - dep habarlaıdy ortalyqtan.

Kýrsty aýdarmashy, fılologııa ǵylymdarynyń kandıdaty Álpeıisova Kamal Ábilqasymqyzy júrgizedi. Oǵan ortalyq jáne jergilikti atqarýshy organdarynyń aýdarmashylary qatysady. Qatysýshylarǵa biliktilik sertıfıkattary tabystalady.

Kýrs Nur-Sultan qalasynyń Turan kóshesi 18 mekenjaıyndaǵy bıznes ortalyqta 22-26 maýsym aralyǵynda uıymdastyrylady. Kúnde tańerteń saǵat toǵyzda bastalady.


Avtor Aıan Bekenuly
Basty sózder: Bilim, Til,
Joǵary qaraı