Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada kishkentaı qyzǵa tıisti degen kúdikpen er adam ustaldy

2021 jyldyń 22 qyrkúıek 2021 17:19

NUR-SULTAN. QazAqparat – Elordada kishkentaı qyzǵa jabysqan er adam ustaldy. Bul aqparatty Nur-Sultan qalalyq Polıtsııa departamenti rastady, dep habarlaıdy QazAqparat tilshisi.

«21 qyrkúıek kúni saǵat 19:21-de 102 pýltine Rysqulbek kóshesi boıynda qyz balaǵa belgisiz er adamnyń tıiskeni týraly habarlama tústi. Oqıǵa ornyna polıtsııa qyzmetkerleri shuǵyl jetti. Túngi ýaqytta mektepten qaıtyp kele jatqan jasóspirimniń qasyna mas kúıdegi er adamnyń barǵany anyqtaldy. Atalǵan fakti boıynsha 25 jastaǵy kúdikti ustaldy», - dep atap ótedi departamentten.

Vedomstvo málimetinshe, medıtsınalyq kýálandyrý nátıjesine sáıkes, kúdikti ortasha deńgeıde mas bolǵan.

«Іshki ister bólimderinde esepte turmaıdy. Qazirgi ýaqytta tergeýge deıingi tekserý júrgizilip jatyr. Onyń nátıjesinde protsessýaldyq sheshim qabyldanady», - dedi polıtsııa qyzmetinen.

Aıta keteıik, búgin WhatsApp arqyly taraǵan vıdeoda elordada kishkentaı qyzǵa tıisken pedofıldiń ustalǵany baıandalǵan edi.
Joǵary qaraı