Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Elordada kópir astynda jańa art-keńistik paıda boldy

2020 jyldyń 12 shilde 2020 18:24

NUR-SULTAN. QazAqparat - Kópir aýmaǵy qala turǵyndary úshin kórikti oryndardyń birine aınaldy, dep habarlaıdy QazAqparat elorda ákimdigine silteme jasap.

«Arqar» kópiriniń astyndaǵy alań Nur-Sultannyń turǵyndary men qonaqtary úshin kórikti orynnyń birine aınaldy. Onda jańa art-ınstallıatsııalar, gúlzarlar, jaıaý júrginshiler, velosıped joldary jáne basketbol alańdary salyndy. Bul qoǵamdyq oryndardy jańǵyrtýdyń taǵy bir úlgisi», dep jazdy Ýrbanıstıka ortalyǵynyń jetekshisi Elnar Bazyken Instagram paraqshasynda.

«Buryn kópir qurylysy Trıatlon men Prezıdent saıabaǵyn bir-birinen bólip turǵandaı kórinetin. Qazir jańa keńistik qalalyq úılesimdi biriktirdi», – dedi E.Bazyken.

Sondaı-aq ol nysan óz atmosferasyn qalyptastyryp, qala turǵyndary arasynda shyǵarmashylyq klasterdiń damýyna yqpal etetinin atap ótti.





«Bul jerdiń shaǵyn bıznes úshin áleýeti joǵary ekenin atap ótken jón. Eki saıabaqtyń jaıaý júrginshi men velosıped joly bar jalǵyz baılanysy ekenin eskersek, bul oryn qoǵamdyq tamaqtaný oryndaryna tamasha jaǵdaı jasaıdy. Bul óz kezeginde jańa jumys oryndaryn ashýǵa yqpal etip, áleýmettik belsendilikti arttyrady», – dedi E.Bazyken.

Qazirgi ýaqytta oryndy retke keltirý jalǵasýda. Jańa nysandar bos qalǵan aýmaqqa barǵan saıyn kóbirek adamdardy tartady. Sondaı-aq munda átkenshek-oryndyqtar, basketbolǵa arnalǵan ilmekter jáne eki strıtbol alańy paıda boldy. Osy jyly barlyǵy 50 qoǵamdyq oryn (saıabaqtar, alańdar, býlvarlar) jáne 150-ge jýyq aýla abattandyrylady.

Aýlalar men qoǵamdyq oryndar «Nur-Sultan – turǵyndarǵa jaıly qala» atty elordany odan ári damytý josparynyń tujyrymdamasy aıasynda abattandyrylýda.



































Basty sózder: Nur-Sultan, Qurylys,
Joǵary qaraı