Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada kópqabatty úıge qulap ketken krannyń ıesine aıyppul salyndy

2022 jyldyń 29 sáýir 2022 19:38

NUR-SULTAN. QazAqparat – Nur-Sultan qalasynda turǵyn úıdiń altynshy qabatyna krannyń qulaýyna jol bergen jaýapty uıym ákimshilik jazaǵa tartyldy, dep habarlaıdy QazAqparat tilshisi.

«Áleýmettik jelige monıtorıng júrgizý barysynda Nur-Sultan qalasy Esil aýdany Uly dala dańǵyly men Qabanbaı batyr dańǵylynyń qıylysynda ornalasqan bas merdigeri «Bazis Construction» JShS sanalatyn qurylys nysanynda avtokrannyń ónerkásiptik qaýipsizdik qaǵıdalaryn buzǵany týraly beınerolık anyqtaldy», - degen jaýap keldi Tótenshe jaǵdaılar mınıstrligi ónerkásiptik qaýipsizdik komıtetinen.

Habarlamada aıtylǵandaı, qalalyq ónerkásiptik qaýipsizdik departamentiniń ınspektorlary oqıǵa ornyna baryp, bolǵan jaǵdaıdyń mán-jaıyn teksergen.

«Avtomobıl kranynyń operatory (XZJ5281JQZ50K) qaýipsizdik tehnıkasyn buzyp, obektiniń qyzyl syzyǵynyń aýmaǵynan tys júk tasymaldaǵany anyqtaldy. Memlekettik ınspektorlar avtomobıl kranynyń menshik ıesi «Bas tehnıka» JK ıesine túsindirme jumysyn júrgizdi. Sonymen qatar qaýipsiz jumys isteý qaǵıdasyn buzǵany úshin QR ÁQBtK 298-babynyń 1-bóligi boıynsha merdigerge aıyppul salynyp, ákimshilik jazaǵa tartyldy», - deıdi atalǵan vedomstvodan.

Eske sala keteıik, keshe Nur-Sultan qalasynyń Syǵanaq kóshesinde ornalasqan turǵyn úıdiń altynshy qabatyndaǵy páterdiń terezesine avtokran qulady.

Sondaı-aq, qala ákimdigi bolǵan jaıtqa túsinik berip, krany kópqabatty úıge qulap ketken merdigerdiń jazalanatynyn habarlady.


Avtor Álı Ibraev
Basty sózder: Qurylys, Nur-Sultan, Oqıǵa, Aıyppul,
Joǵary qaraı