Aýa raıy
Astana 9 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Elordada koronavırýspen aýrýhanaǵa jatqyzylǵan naýqastardyń sany 2 ese azaıǵan

2020 jyldyń 21 shilde 2020 10:14

NUR-SULTAN. QazAqparat – Nur-Sultan qalasynyń ákimi Altaı Kólginov koronavırýspen aýrýhanaǵa jatqyzylǵan naýqastardyń sany 2 ese azaıǵany baıqalatynyn málim etti, dep habarlaıdy QazAqparat tilshisi.

«Aýrýhanaǵa jatqyzylǵan naýqastardyń sany 2 ese azaıǵany baıqalady. Buryn kúnine 500-ge tarta adam aýrýhanaǵa jatqyzylatyn bolsa, qazirgi tańda bul kórsetkish 200-250 adamǵa deıin azaıdy. Al saýyǵyp shyǵatyndardyń sany 2 ese artty. Qazirgi ýaqytta kúnine 400-ge tarta adam emdelip shyǵýda», - dedi Altaı Kólginov Úkimet otyrysynda.

Eske sala ketsek, Úkimet otyrysynda elorda ákimi Altaı Kólginov astanada karantın rejımi engizilgennen beri KVI boıynsha jaǵdaıdyń turaqtalǵanyn málim etken bolatyn.

Jedel járdemge júginý sany táýligine 4300-den 2 myńǵa deıin tómendedi. Shaqyrý sany táýligine 3 myńnan 1400-ge azaıdy.


Joǵary qaraı