Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Elordada koronavırýstyń ekinshi tolqynyna daıyndyq aıasynda 9 zerthana satyp alynǵan

2020 jyldyń 23 qazan 2020 23:28

NUR-SULTAN. QazAqparat - Nur-Sultanda koronavırýstyń ekinshi tolqyny kelgen jaǵdaıda medıtsına mekemeleri kúsheıtilgen jumys rejımine kóshedi, dep habarlaıdy QazAqparat.

Ákimdiktiń málimetinshe, qoǵamdyq densaýlyq saqtaý basqarmasynyń esep berý jıyny onlaın rejımde ótken. Oǵan qala ákiminiń orynbasary Baqtııar Máken, Densaýlyq saqtaý birinshi vıtse-mınıstri M.Shoranov, qoǵamdyq densaýlyq saqtaý basqarmasynyń basshysy Tımýr Muratov, qalalyq jáne jeke medıtsınalyq uıymdardyń birinshi basshylary qatysty.

Tımýr Muratov óz baıandamasynda elordada negizgi medıtsınalyq-demografııalyq kórsetkishter jaqsarǵanyn atap ótti. Ómir súrý uzaqtyǵy ósip, qan aınalymy júıesiniń aýrýlarynan, qaterli isikterden, jaraqattardan, jazataıym oqıǵalardan jáne ýlanýdan bolatyn náreste óliminiń tómendeýi baıqalady.

Sondaı-aq, epıdemıologııalyq jaǵdaı boıynsha máseleler qozǵaldy. 23 qazandaǵy jaǵdaı boıynsha, koronavırýs ınfektsııasynyń 20 jańa jaǵdaıy anyqtaldy.

«Búgingi tańda KVI-men naýqastanǵan juqpaly aýrýlar statsıonarlarynda - 94 patsıent, karantınde – 148 patsıent bar. Pandemııa bastalǵannan beri 13 701 naýqas saýyǵyp, 318 adam koronavırýstan qaıtys boldy. Kún saıyn qaladaǵy epıdemıologııalyq jaǵdaıdy baqylaý jumystary júrgiziledi», - dedi basqarma basshysy.

Keńeske qatysýshylarǵa elordada COVID-19 qaıtalanǵan jaǵdaıdaǵy daıyndyq týraly baıandaldy. Qala ákimdigi men basqarma medıtsınalyq uıymdar úshin qosymsha jabdyqtar satyp aldy.

«15 zerthana jumys isteıdi, olardyń táýliktik qýaty 10 myńnan astam zertteý men qýaty 1440 zertteý bolatyn qosymsha 9 ızotermııalyq zerthana satyp alyndy», - dep atap ótti Tımýr Muratov.

Óz kezeginde qala ákiminiń orynbasary Baqtııar Máken emhanalarda halyqpen jumysty kúsheıtýdi tapsyrdy.

«Halyq únine qulaq asatyn memleket júıesi bizden bastalady. Patsıenttermen neǵurlym tyǵyz baılanys ornatyp, halyqtyń densaýlyǵyna muqııat bolý qajet. Jyl sońyna deıin ýaqyt beremiz, eger jumys jaqsarmasa, qatań sharalar qabyldanady», - dedi Nur-Sultan qalasy ákiminiń orynbasary Baqtııar Máken.

Sondaı-aq, elorda ákiminiń orynbasary dárihanalarda dári-dármek tapshylyǵyna jol bermeý qajettigin atap ótti. Bul másele qala basshylyǵynyń qatań baqylaýynda.

















Joǵary qaraı