Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada qumar oıynyn uıymdastyrǵan qylmystyq top ustaldy

2021 jyldyń 18 qazan 2021 15:54

NUR-SULTAN. QazAqparat – Elorda aýmaǵynda jasyryn qumar oıynyn uıymdastyrǵan qylmystyq top ustaldy. Bul týraly Nur-Sultan qalalyq polıtsııa departamentinen málim etti, dep habarlaıdy QazAqparat tilshisi

«Elordalyq polıtsııa qyzmetkerleri júrgizgen arnaýly operatsııa barysynda Nur-Sultan qalasy aýmaǵynda jasyryn zańsyz qumar oıynyn uıymdastyrýmen aınalysqan qylmystyq top músheleri ustaldy. Top quramyna osyndaı qylmystardy jasaǵany úshin buryn sottalǵan adamdar kirgeni anyqtalyp otyr», - delingen vedomstvo málimetinde.

Sonymen qatar polıtsııa qyzmetkerleri toptyń naqty ıerarhııasyn, qylmyskerlerdiń ózara rólin áshkereledi.

«Bireýleri aldyn ala sóz baılanysqan oıynshylar men dılerge jaýapty bolsa, endi biri arnaıy belgilengen karta jáne oryn-jaımen qamtamasyz etip otyrǵan. Al úshinshisi áleýettik oıynshylardy irikteýmen aınalysqan», - dedi Nur-Sultan qalalyq PD Krımınaldyq polıtsııa basqarmasynyń bastyǵy Dmıtrıı Demıdov.

Qylmystyq topty qumar oıynyń ústinde ustaýǵa baǵyttalǵan operatsııa qaladaǵy kez kelgen adam kire almaıtyn orynnyń birinde júrgizildi. Polıtsııa qyzmetkerleri tintý barysynda iri somadaǵy aqsha, qumar oıyn oınaýǵa qajetti atrıbýttar, onyń ishinde arnaýly tehnıkalyq quraldardy tárkiledi.

Qazirgi ýaqytta qylmystyq topty uıymdastyrýshy jáne onyń músheleri ustalyp, ýaqytsha oqshaýlaǵyshqa qamalǵan. Tergeý amaldary júrgizilip jatyr.



Avtor Marlan Jıembaı
Basty sózder: Qylmyspen kúres, QR ІІM,
Joǵary qaraı