Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada kún saıyn 30 myń tekshe metrge jýyq sý sorylady

2021 jyldyń 11 sáýir 2021 01:31

NUR-SULTAN. QazAqparat – Bıylǵy qysqy maýsymda qaladan 5 mln tekshe metrden astam qar shyǵaryldy. Elordada sý sorý jumystaryna 200-den astam arnaıy tehnıka, ıaǵnı assenızatorlyq mashınalar men motopompalar jumyldyrylady, dep habarlaıdy QazAqparat ákimdikke silteme jasap.

Qalanyń kommýnaldyq qyzmetteri táýlik saıyn orta eseppen 30 000 tekshe metr sý soryp alady. Kóktem mezgili bastalǵannan beri 180 000 tekshe metrden astam sý soryldy.


Elordada sý basý qaýpi bar jerlerde nóser kárizin salý boıynsha jumystar júrgizilýde.

Máselen, B.Momyshuly dańǵylynda bıylǵy jazda sý basý máselesi sheshiletin bolady. Atalmysh dańǵylda Daýylpaz kóshesinen Elim-aı kóshesine deıin uzyndyǵy 500 metr bolatyn nóser káriziniń magıstraldy kollektorynyń qurylysy júrgizilýde.

Sondaı-aq, «Molodejnyı» shaǵyn aýdanynda (Táshenov jáne Amman kósheleriniń qıylysy) tazartý júrgizilip, jetkizýshi kollektorlar qaıta jóndelýde. Jańa qurylystardyń qýattylyǵy táýligine 42 myń tekshe metrden asady, bul nóser kárizderiniń ótkizý qabiletin aıtarlyqtaı jaqsartýǵa múmkindik beredi. Óz kezeginde Táshenov, Baraev, Ýálıhanov, Imanbaev kósheleri men Respýblıka dańǵylyn sý basýyn boldyrmaýǵa múmkindik beredi. Tazartý qondyrǵysy jer astynda qarastyrylǵandyqtan, ústindegi alańǵa túrli arhıtektýralyq músinder, kógaldandyrylǵan alań ornatylady. Qurylysty bıyl aıaqtaý josparlanyp otyr.



Basty sózder: Nur-Sultan, Sý tasqyny, Vıdeo,
Joǵary qaraı