Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada kún saıyn koronavırýstyń 200-den astam jaǵdaıy tirkeledi

2021 jyldyń 10 maýsym 2021 12:24

NUR-SULTAN. QazAqparat – Elordada kúnine koronavırýs ınfektsııasynyń 220-dan astam jaǵdaıy tirkeledi. Bul týraly Nur-Sultan qalasynyń bas memlekettik sanıtar dárigeri Sarhat Beısenova aıtty, dep habarlaıdy QazAqparat tilshisi.

«Elordada júrgizilip jatqan is-sharalardyń arqasynda syrqattanýdyń tómendeý qarqyny artyp, kún saıyn koronavırýs juqtyrǵandar sany birtindep azaıyp keledi. Ortasha eseppen aptasyna 10-nan 19 paıyzǵa deıin tómendeý baıqalady.

Biraq bul rette, jaǵdaılardy tirkeý joǵary deńgeıde qalyp otyr. Bul COVІD-19 boıynsha qolaısyz epıdemıologııalyq ahýaldy kórsetip, qala «qyzyl» aımaqta qalýyn jalǵastyrady. Kúnine koronavırýs ınfektsııasynyń 70-ten 222-ge deıin jaǵdaıy tirkeledi», - dedi ol.

Onyń atap ótýinshe, osy jyldyń basynan beri qala boıynsha syrqattanǵandardyń sany 38 myńnan asty. Pandemııa bastalǵannan barlyǵy 57 390 jaǵdaı tirkeldi.

«Bir aptada COVID-19-dyń 1263 deregi tirkeldi. Syrqattaný kórsetkishi aldyńǵy aptadan 18 paıyzǵa tómen. 100 myń turǵynǵa shaqqandaǵy qarqyndy kórsetkish 106,3-ty qurady. Reprodýktıvti sany - 0,87. Qazirgi ýaqytta qalada ınfektsııanyń belsendi oshaqtary – 1573. Onyń ishinde: úı – 1212, uıymdastyrylǵandar arasynda – 361. Medıtsınalyq baqylaýda 3 233 baılanysta bolǵan adam bar», dedi Sarhat Beısenova.


Joǵary qaraı