Aýa raıy
Astana -21 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Elordada qurylys aýmaǵyndaǵy ashanada gaz ballony jaryldy

2020 jyldyń 2 jeltoqsan 2020 00:02

NUR-SULTAN. QazAqparat - Elordada qurylys aýmaǵyndaǵy ashana retinde jabdyqtalǵan konteıner órtendi. Onda gaz ballony jarylǵan, dep habarlaıdy QazAqparat qalalyq TJD baspasóz qyzmetine silteme jasap.

«1 jeltoqsan kúni saǵat 22:14-te elordanyń TJD Órt sóndirý bólimshesine A.Baıtursynov kóshesindegi 43/2-úıde órt shyqqany týraly habar kelip tústi. Órt sóndirýshiler 5 mınýttan keıin sonda jetti. Olar jańa qurylys aýmaǵynda shamamen 150 sharshy metr aýmaqta ashana retinde jabdyqtalǵan konteıner janyp jatqanyn anyqtady. Sondaı-aq, ashana janyndaǵy aǵash qurylǵylar da órtene bastaǵan», delingen habarlamada.

Qazirgi boljam boıynsha gaz ballony jarylǵan. Ó rt sóndirýshiler ashanadan 4 gaz ballonyn alyp shyqty. Órt saǵat 22.36-da aýyzdyqtalyp, saǵat 22-50-de tolyq sóndirildi.

Qazir mamandar órttiń shyǵý sebebi anyqtaýǵa kiristi. Órtti sóndirýge 4 tehnıka jáne jeke quramnan 23 adam jumys istedi.












Joǵary qaraı