Aýa raıy
Astana 28 °S
Almaty 28 °S
valıýta baǵamy
USD 386.70
EUR 427.15
RUB 6.06
CNY 54.57

Elordada qurylysy 10 jylǵa sozylǵan turǵyn úı súriledi

2019 jyldyń 23 tamyz 2019 17:01

NUR-SULTAN. QazAqparat - Elordada qurylysy 10 jylǵa sozylǵan «Terrıtorııa komforta-1» turǵyn úıi súriledi. Bul týraly búgin Nur-Sultan qalasynyń ákimi Altaı Kólginov aıtty, dep habarlaıdy QazAqparat tilshisi.

« Úleskerlerge qatysty problema bar. Biz kún saıyn olarmen kezdesip otyrmyz. Másele óte kúrdeli, bir jyldyń ishinde sheshilmeıdi. Degenmen, bir qadam bolsyn alǵa qaraı jyljýymyz kerek. Ol jerlerde de keıbir úılerdi súrip tastaý qajet » , - dedi ol qala ákimdiginde ótken qoǵamdyq tyńdaýdan keıin.

Osy rette qala basshysy qurylysy tolyq bitpegen nysandardyń birin mysalǵa keltirdi. Onyń atap ótýinshe, múndaı saqaldy qurylys tóńiregindegi úılerde turatyn adamdardyń ómiri úshin qaýipti.

« Jýrnalıster menen « Ana úı ne bolyp jatyr? » , « Myna úı ne bolady? » dep surap jatady. Kúni keshe ǵana «Terrıtorııa komforta-1» úıi týraly surady. Úıdiń turǵanyna 10 jyl bolady, birese qurylysy júrip, birese toqtap qal ady . Boldy, endi bul qurylys jara msyz , ony súrip tastaý qajet » , - dedi Altaı Kólginov.

Osy rette BAQ ókilderiniń atalǵan nysannyń qashan súriletindigine qatysty suraǵyna da ákim jaýap berdi.

« Taıaý ýaqytta biz ony qarastyramyz. Sebebi, azamattarymyzdyń qaýipsizdik máselesi biz úshin birinshi orynda » , - dedi ol.

Avtor Marlan Jıembaı
Basty sózder: Nur-Sultan, Ákim, Qurylys,
Joǵary qaraı