Aýa raıy
Astana 16 °S
Almaty 28 °S
valıýta baǵamy
USD 412.55
EUR 468.66
RUB 5.79
CNY 58.80

Elordada kúıeýi ústine benzın quıyp órtep jibergen áıel qaıtys boldy

2019 jyldyń 11 qarasha 2019 12:02

NUR-SULTAN. QazAqparat - Elordada kúıeýi ústine benzın quıyp órtep jibergen áıel qaza tapty, dep habarlaıdy QazAqparat tilshisi.

«Denesiniń 75 paıyzyn kúıik shalǵan patsıent 2019 jyldyń 10 qarashasynda saǵat 1-35-te qaza tapty», - dedi Travmatologııa jáne ortopedııa ǵylymı-zertteý ınstıtýtynyń baspasóz qyzmetinen.

Eske sala ketsek, osydan bir aı buryn elordalyq azamat otbasylyq janjal kezinde áıeliniń ústine benzın quıyp, órtep jibergen edi.

«6 qazan kúni saǵat shamamen 11.40-ta polıtsııaǵa avtobýs aıaldamasynda denesin kúıik shalǵan áıeldiń otyrǵany týraly aqparat tústi. Áıel tez arada aýrýhanaǵa jatqyzyldy. Atalǵan fakti boıynsha polıtsııa qyzmetkerleri kúdikti retinde onyń 43 jastaǵy kúıeýin ustady», - dep habarlady Nur-Sultan qalalyq polıtsııa departamenti.

Al Nur-Sultan qalasyndaǵy Travmatologııa jáne ortopedııa ǵylymı-zertteý ınstıtýty dárigerleri áıeldiń aman qalýy ekitalaı ekenin habarlaǵan edi. Degenmen osydan 4-5 kún buryn ǵana Travmatologııa jáne ortopedııa ǵylymı-zertteý ınstıtýty naýqastyń esin jınap, jaqsarý dınamıkasy baıqalatynyn málimdegen bolatyn.

Basty sózder: Nur-Sultan, Oqıǵa,
Joǵary qaraı