Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada qylmystyq isterdiń 70% astamy elektrondy formatta qaralyp jatyr

2021 jyldyń 14 qazan 2021 13:45

NUR-SULTAN. QazAqparat – Nur-Sultan qalasynda qylmystyq isterdiń 70 paıyzy elektrondy formatta qaralýda. Bul týraly qalalyq Polıtsııa departamenti Tergeý basqarmasynyń basshysy Ǵumar Shynybekov málim etti, dep habarlaıdy QazAqparat tilshisi.

«Memleket basshysynyń quqyq qorǵaý jáne sot júıesin reformalaýǵa, sondaı-aq memlekettik organdar jumysynda tsıfrlandyrýdy ilgeriletý týraly tapsyrmasyna sáıkes, elordanyń sot qyzmeti úsh satyly modelge kóshti. ıAǵnı polıtsııa, prokýratýra jáne sot qylmystyq protsesterge qatysty protsessýaldyq sheshimdi ózara kelisip bekitedi. Joba qoldanysqa engizilgen sátten bastap, azamattardyń konstıtýtsııalyq quqyqtarynyń buzylýyn barynsha azaıtý, prokýrordyń sheshimin elektrondy túrde kelisip, bekitý arqyly qylmystyq protseste jaǵymdy tendentsııalar aıqyndaldy. Jáne bul jańashyldyq tergeý kezinde bolýy múmkin qatelikterdi barynsha azaıtýǵa múmkindik beredi», - dedi Ǵumar Shynybekov elordanyń Polıtsııa departamentinde ótken baspasóz máslıhatynda.

Onyń aıtýynsha, elordada qylmystyq is júrgizýdi tolyqtaı elektrondy formatqa kóshirý 2025 jylǵa josparlanyp otyr.

«Úsh býyndy sot júıesine kóshpes buryn baqylaýshy organmen birge vedomstvoaralyq semınar, dóńgelek ústel men kezdesýler uıymdastyryldy. Onyń barysynda sot salasyna qatysty máseleler jan-jaqty talqylandy. Osylaısha 2018 jyldan bastap Nur-Sultan qalasynda qylmystyq isterdi elektrondy formatqa kóshirý kezeń-kezeńmen bastaldy. 2025 jylǵa qaraı qylmystyq is júrgizýdi tolyqtaı elektrondy formatqa kóshirý kózdelip otyr. Bastapqyda elektrondy formatta jeńil jáne ortasha aýyr qylmystyq ister qaralsa, keıin aýyr sanattaǵy qylmystar da atalǵan formatqa aýystyryldy. Búginde jalpy qylmystyq isterdiń 70 paıyzdan astamy elektrondy formatta qaralyp jatyr», - deıdi ol.

Sondaı-aq, basqarma basshysynyń málimetinshe, qylmystyq isti elektrondy túrde qaraý protsesi tıisti deńgeıde materıaldyq-tehnıkalyq jabdyqpen qamtylǵan.


Joǵary qaraı