Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada qysqy sport maýsymy ashylady

2021 jyldyń 29 qarasha 2021 18:40

NUR-SULTAN. QazAqparat – 1 jeltoqsanda elordadaǵy shańǵyroller tasjolynda QR Táýelsizdiginiń 30 jyldyǵyna, sondaı-aq QR Tuńǵysh Prezıdenti kúnine arnalǵan qysqy maýsymnyń ashylýy ótedi, dep habarlaıdy QazAqparat tilshisi.

Sport jáne dene shynyqtyrý komıtetiniń málimetinshe, jarysqa jeke sporttyq jabdyqtary bar kez kelgen adam qatysa alady.

Tirkelý kezinde jeke ýáliginiń bolýy qajet.

Shańǵy jarysynyń starttyq nómirleri árbir jas tobyna qaraı jarys bastalmastan 30 mınýt buryn beriledi.

Ár jas tobynyń jeńimpazdary men júldegerleri dıplomdarmen, medaldarmen jáne baǵaly syılyqtarmen marapattalady.

Nur-Sultan qalasy ákimdiginiń qoldaýymen QR Mádenıet jáne sport mınıstrligi uıymdastyratyn is-shara saǵat 11.00-de shańǵyroller tasjolynda (saıabaq aımaǵynda ornalasqan Astana Park Hotel) bastalady.

Shara aıasynda elimizdiń 17 qalasymen telekópir uıymdastyrylyp, «Habar 24» telearnasynda onlaın-translıatsııa arqyly buqaralyq jarystyń bastalýy kórsetiledi.


Avtor Marlan Jıembaı
Basty sózder: Sport, Aýa raıy, Nur-Sultan,
Joǵary qaraı