Aýa raıy
Astana 27 °S
Almaty 29 °S
valıýta baǵamy
USD 412.55
EUR 465.73
RUB 5.79
CNY 58.91

Elordada latyn grafıkasy negizindegi jańa álipbı jobalary talqylandy

2019 jyldyń 8 qarasha 2019 15:51

NUR-SULTAN. QazAqparat – Elordada «Latyn grafıkasy negizindegi jańa álipbı jobalary» atty Ulttyq komıssııa janynan qurylǵan orfografııalyq jáne ádistemelik jumys toptarynyń birikken semınar-keńesi ótti, dep habarlaıdy QazAqparat tilshisi.

«QR Mádenıet jáne sport mınıstrliginiń Til saıasaty komıteti men Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń uıymdastyrýymen «Latyn grafıkasy negizindegi jańa álipbı jobalary» atty Ulttyq komıssııa janynan qurylǵan orfografııalyq jáne ádistemelik jumys toptarynyń birikken semınar-keńesi ótti. Semınar keńestiń maqsaty – qoǵam músheleri men jekelegen avtorlar tarapynan usynylǵan álipbı jobalaryn ǵalymdar men sarapshylar talqysyna salý. Qazaq jazýynyń orfografııalyq prıntsıpterine súıene otyryp usynylǵan jobalardyń artyqshylyqtary men kemshilikteri saralanyp, qorytyndy jasaldy», - delingen Mádenıet mınıstrligi taratqan aqparatta.




Vedomstvo málimetinshe, semınarǵa QR Mádenıet jáne sport vıtse-mınıstri Nurǵısa Dáýeshov, QR Mádenıet jáne sport mınıstrligi Til saıasaty komıtetiniń tóraǵasy Ǵalymjan Meldeshov, «Til-Qazyna» ulttyq ǵylymı-praktıkalyq ortalyǵynyń atqarýshy dırektory Erbol Tileshov, «Nur-Otan» halyqtyq partııasynyń «Mıras» respýblıkalyq qoǵamdyq keńesi músheleri, qoǵam qaıratkeri Orazgúl Asanǵazy, Senat depýtatty jáne orfografııalyq, ádistemelik jumys tobynyń músheleri men sarapshy ǵalymdar, sondaı-aq talqylanatyn álipbı jobalarynyń avtorlary Arman Baıqadam, Qanat Nurbaı, Qýantqan Vanov, Jandos Temirǵalı qatysty.




Semınar barysynda Orfografııalyq, Ádistemelik jumys toptary «Bailatyn», «Kazak Grammar», «Q.Vanov», «J.Temirgali» álipbı jobalaryn talqylady.

Talqylaýǵa Ahmet Baıtursynuly atyndaǵy Til bilimi ınstıtýtynyń professorlary Zeınep Bazarbaeva, Quralaı Kúderınova, ǵylymı qyzmetker Aınur Seıitbekova, Abaı atyndaǵy Qazaq ulttyq pedogogıkalyq ýnıversıtetiniń professory Tańat Aıapova, ál-Farabı atyndaǵy Qazaq ulttyq ýnıversıtetiniń dotsenti Lázzat Álimtaeva, L.N.Gýmılev atyndaǵy Eýrazııa ulttyq ýnversıtetiniń dotsentteri Lázzat Espekova, Qarlyǵash Sarekenova, E.Bóketov atyndaǵy Qaraǵandy memelekettik ýnıversıtetiniń dotsenti Marhaba Tursynova, Nazarbaev Ýnıversıteti, Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy ǵalymdary men IT mamandar qatysyp, óz pikirin bildirdi.




Joǵary qaraı