Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada mamandar ormandy kemirgishterden qorǵaýǵa kiristi

2021 jyldyń 5 naýryz 2021 22:12

NUR-SULTAN. QazAqparat - Elordanyń aınalasyndaǵy jasyl beldeýde búginde 11 mıllıon aǵash pen eki mıllıonǵa jýyq buta bar. Bul jerdi zııankester men kemirgishterden qorǵaý jumysy jyl boıy júrgiziledi, dep habarlaıdy QazAqparat qala ákimdigine silteme jasap.

Aǵashtar men butalarǵa qoıandar jıi qaýip týdyrady. Qysta úlken aǵashtardyń qabyǵyn arshyp qana qoımaı, jas butalardyń túbin qoparyp tastaıdy.

Jasyl beldeýdiń aǵashtar men butalar egilgen tusyna tek shańǵymen jetýge bolady. Bul jerdegi qardyń tereńdigi kem degende bir metr. Qyzmetkerler qorǵanysh kostıýmimen júrip, kreolın sebedi.

«Bul negizinen qysta azyq qorynyń jetispeýine baılanysty. Qoıandar bıotsenoz bóligi bolǵandyqtan olardy joıyp tastaı almaımyz. Sondyqtan biz eń kóp zaqymdalǵan aǵashtarǵa, ıaǵnı jemis-jıdekterge úrkitetin preparattar sebemiz», - dedi kóshetterdi kútý jónindegi kompanııanyń bas agronomy Ardaq Hasenov.

Onyń aıtýynsha, preparattan aǵashtarǵa da, janýarlarǵa da zııan joq. Kún sýyǵanda eki ret júrgiziledi: qystyń basynda jáne sońynda. Jasyl beldeýdiń aýmaǵy 14 myń gektardan asady.

«Bul ýchaskelerde aǵashtyń belgili bir túriniń tirshilik ete alýy tekserilýde. Ǵylymı tásilder negizinde aǵashtardyń belgili bir sorttaryn egemiz. Bıyl biz 800 myńnan astam kóshet otyrǵyzýdy josparlap otyrmyz. Onyń 60 myńy – qaraǵaı. Eger aǵashtar qabyqsyz qalsa, ólip qalýy múmkin. Olardy qorǵaý kerek. Al qoıandardyń sanyn tabıǵı túrde retteý múmkin emes», - dedi Qorshaǵan ortany qorǵaý jáne tabıǵatty paıdalaný basqarmasy bóliminiń bas mamany Aıdar Rashıd.


Basty sózder: Ekologııa, Nur-Sultan,
Joǵary qaraı