Aýa raıy
Astana -27 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Elordada mas júrgizýshi avtobýsty soqty

2020 jyldyń 28 qarasha 2020 12:40

NUR-SULTAN. QazAqparat – 26 qarashada Ýálıhanov pen Bógenbaı kóshesiniń qıylysynda kópirden óte bergende «Lada» avtokóliginiń júrgizýshisi mas kúıinde marshrýttyq avtobýsty soqqan, dep habarlaıdy QazAqparat qalalyq PD baspasóz qyzmetine silteme jasap.

Bul kezde jolaýshylar avtobýsy ońǵa qaraı burylysta turyp, basty baǵytta ótip bara jatqan kólikterge jol bergen. Apat saldarynan avtobýs jolaýshylary zardap shekken joq.

Anyqtalǵandaı, «Lada» jeńil avtokóliginiń júrgizýshisi 2016 jyldan beri temir tulpardy mas kúıinde júrgizgeni úshin kólik quralyn basqarý quqyǵynan aıyrylǵan.

Alaıda, osy ýaqyt ishinde jazany elemeı, úshinshi ret róldi mas kúıinde tizgindegeni úshin polıtsııanyń qolyna túsken.

Medıtsınalyq tekserýden ótkennen keıin narkologtyń qorytyndysy júrgizýshiniń ortasha dárejede mas bolǵanyn rastady.

Qazirgi ýaqytta atalǵan fakti boıynsha QR Qylmystyq kodeksiniń 346-baby, 2-tarmaǵy boıynsha qylmystyq is qozǵaldy, júrgizýshi qamaldy.

Kólik kommýnaldyq aıyppul turaǵyna qoıyldy.



Basty sózder: Oqıǵa, Nur-Sultan, Kólik, Jol,
Joǵary qaraı