Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada masaǵa qarsy ý shashý jumystary qalaı júrgiziledi

2021 jyldyń 8 mamyr 2021 09:57

NUR-SULTAN. QazAqparat - Elordada dezınsektsııalyq jumystar alty kezeńmen júrgiziledi, onyń barysynda 100-den astam turaqty jáne 90 ýaqytsha qalyptasqan sý aıdyny, sondaı-aq ashyq aýmaqtar óńdeledi, dep habarlaıdy qala ákimdiginiń resmı saıty.

Jumysqa epıdemıologtar, bıologtar, entomologtar qatarynan jedel shtab quryldy. Jyl saıyn entomologııalyq monıtorıng júrgizý jáne kezeń boıynsha jumystar júrgizý kesteleri jasalady.

Maýsym boıy shybyn-shirkeı jumystary alty kezeń boıy júrgiziledi.

Árbir kezeń barysynda jalpy aýdany 6 myń sharshy metrden astam 111 tirkelgen (turaqty) sý aıdyny jáne 90 ýaqytsha paıda bolatyn taıaz sý aıdyny, sondaı-aq aýdany 200 myń sharshy metrden asatyn ashyq aýmaqtar óńdeledi. Sonymen qatar qaraýsyz qalǵan jáne eski úılerdiń jertólelerin óńdeý turaqty negizde júrgiziledi.




Esterińizge sala keteıik, bıyl 12 sáýirden bastap mamandar taıaz sý qoımalarynda masalardyń dernásilderine tekserý júrgizdi. Osydan keıin aýa-raıynyń jylynýymen, ıaǵnı ótken aıdyń sońynda shybyn-shirkeılerdiń aldyn alý úshin qaladaǵy sý qoımalarynyń bárinde óńdeýdiń alǵashqy kezeńin bastady. Sondaı-aq, qala syrtyna masalar men shirkeılerdi yǵystyra otyryp, ashyq stantsııalarda – saıabaqtarda, gúlzarlarda, turǵyn úı alaptaryynda dezınsektsııalyq jumystar júrgizildi.

Búginde Esil ózeniniń jaǵalaýy, Astanalyq saıabaq, «Báıterek» monýmentiniń aldyndaǵy alań, Trıatlon parki, Prezıdenttik saıabaq, Ǵashyqtar saıabaǵy, Botanıkalyq baq, aýlaishilik aýmaqtar sekildi oryndar óńdeldi.

Qala turǵyndary men qonaqtaryna dezınsektsııalyq jumystar kezindegi saqtyq sharalary habarlanatyn bolady: dezınsektsııa júrgiziletin oryndarda, dezınfektorlardyń jumysy kezinde úıdiń janynda bolýǵa bolmaıdy, al terezeler jabyq bolýy tıis.

Mamandardyń aıtýynsha, masalar tabıǵı ekojúıeniń ajyramas bóligi bolǵandyqtan, dezınsektsııalyq sharalar olardyń sanyn azaıtýǵa ǵana baǵyttalady.








Basty sózder:
Joǵary qaraı