Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada mys kabel urlaǵan 4 jigit ustaldy

2021 jyldyń 4 jeltoqsan 2021 11:59

NUR-SULTAN. QazAqparat – Elordada óńirlik elektr jelileri kompanııasynyń mys kabel urlaǵan 4 jigit ustaldy, dep habarlaıdy QazAqparat tilshisi.

Nur-Sultan qalalyq polıtsııa departamentiniń málimetinshe, 25 pen 32 jas aralyǵynda elordanyń 4 turǵyny tańǵy saǵat 04:00 shamasynda óńirlik elektr jelileri kompanııasynyń mys kabelin urlaǵan. Olar Kereı Jánibek handar men Álıhan Bókeıhan kósheleri qıylysyndaǵy lıýk qaqpaǵyn shege sýyrǵyshpen ashyp, kabel shahtasyna túsken. Urlyq sáti beınebaqylaý kamerasyna túsip qalǵan.

«Urylar 115 metr mys kabelin alyp ketken. Jedel izdestirý is-sharalary barysynda kúdiktiler ustaldy. Olar buǵan deıin birneshe ret sottalǵan qala turǵyndary bolyp shyqty. Urlanǵan kabel kólik júksalǵyshynan tabyldy. Qazirgi ýaqytta kúdiktiler polıtsııa departamentiniń ýaqytsha oqshaýlaǵyshyna qamaldy. Olardyń qala aýmaǵynda jasalǵan osyndaı qylmystarǵa qatysy tekserilip jatyr», - dep atap ótedi vedomstvodan.


Joǵary qaraı