Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Elordada nóser sýy aǵatyn jerasty jelisine káriz sýynyń qubyryn qosqandar anyqtaldy

2020 jyldyń 15 tamyz 2020 10:05

NUR-SULTAN. QazAqparat – Elordada nóser sýy aǵatyn jerasty jelisine káriz sýynyń qubyryn qosqandar anyqtaldy, dep habarlaıdy QazAqparat tilshisi.

Ákimdik taratqan málimetke qaraǵanda, arnaıy mamandar qalanyń nóser sýy aǵatyn jelige óndiristik, turmystyq qaldyqty tógý, káriz qubyryn qosyp qoıýdy anyqtap jatyr. Jeke úılerdiń, keńselerdiń jáne basqa ǵımarattardyń ıeleri kóbine káriz sýyn, qoqysty nóserli sý júıesine aǵyzyp jiberedi. Osylaısha nóser men kárizdi tazartý qondyrǵysynyń jumysyn aýyrlatady. Zańsyz qosylý Ońtústik Shyǵys, Agroqalashyq, Kóktal turǵyn alaby, Artem bazarynyń aýmaǵynan jáne basqa da jeke sektorlardan anyqtalyp jatyr.

Reıd barysynda 40 zań buzýshylyq derek anyqtaldy. «Han Shatyr» saýda oıyn-saýyq ortalyǵy men kóshe boıyndaǵy nóser kárizi jelisine kárizdi tógýdiń 2 jaǵdaıy tirkeldi. Hýseın ben Talal kóshesinde birneshe ret osyndaı jaǵdaı anyqtalǵan. Nátıjesinde zań buzýshylar ákimshilik jaýapkershilikke tartylyp, jalpy somasy 220 myń teńgeden astam aıyppul salyndy.

Sarqyn sýdy, turmystyq qaldyqty, qurylys qaldyǵyn jáne basqa da qospa sýdy ruqsatsyz aǵyzý sorǵylardy bitep tastaıdy. Nóser sýyn tazartý qondyrǵylarynyń arnaıy súzgileri tek jańbyr, qar sýy jáne jer asty sýyna arnalǵan. Olar turmystyq jáne káriz sýyn sorýǵa arnalmaǵan. «Elorda Eco System» kommýnaldyq kásipornymen birlesip reıd turaqty júrgiziledi.





Jańbyr kezinde qala kóshelerin sý basyp qalmas úshin 3 iri nóser kárizderi men tazartý qondyrǵysy salynyp jatyr. Іri jobalardyń biri – Jastar shaǵyn aýdanynda tazartý qondyrǵysynyń qurylysy (J.Táshenov pen Amman kósheleriniń qıylysy). Bul J.Táshenov, Baraev, Sh.Ýálıhanov, Sh.Imanbaeva kósheleri men Respýblıka dańǵylyn sý basýdyń aldyn alady. Joba 2021 jyly tolyǵymen aıaqtalady.

Aldaǵy kúzde B.Momyshuly kóshesiniń problemalyq ýchaskede basty nóser káriz kollektorynyń qurylysy aıaqtalyp keledi (Daýylpaz kóshesinen Elim-aı kóshesine deıin).

Osy jyldyń sońyna deıin Telman turǵyn alabynda tazartý qondyrǵylary men basty kollektor salý boıynsha jumys aıaqtalady. Keshenge táýligine 36 myń tekshe metrden asatyn sýdy jınaıdy. Jobany iske asyrý Telman turǵyn alabyn, № 27 kóshe boıyndaǵy perspektıvti damý aımaǵy jáne t.b. jer ústine jınalǵan aǵyn sýdy jınaýǵa múmkindik beredi.

2019 jyly Myńjyldyq alleıasy aýdanyndaǵy eki ýchaskede nóser kárizin salý máselesi sheshildi.





Joǵary qaraı