Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada Nur-Sultan theatre week teatr festıvali ótedi

2021 jyldyń 17 qyrkúıek 2021 08:33

NUR-SULTAN. QazAqparat – Elorda ákimi Altaı Kólginov Nur-Sultan theatre week halyqaralyq teatr festıvali ótetinin málim etti, dep habarlaıdy QazAqparat qala ákimdigine silteme jasaap.

«Ekpe alǵan turǵyndar sanynyń kóbeıýi men KVI-ge qarsy ujymdyq ımmýnıtettiń qalyptasýy qalypty ómirge birtindep oralýǵa múmkindik beredi. Sanıtarlyq normalardy saqtaı otyryp, 28 qazan men 1 qarasha aralyǵynda Nur-Sultan theatre week halyqaralyq teatr festıvalin ótkizýdi josparlap otyrmyz. Elordamyzdyń barlyq teatry qatysady, sondaı-aq sheteldik teatr ujymdary shaqyrylady», - dep jazdy Altaı Kólginov Instagram paraqshasynda.
Bul festıvaldi ótkizýge alǵash ret qalanyń barlyq ınfraqurylymy, onyń ishinde shaǵyn jáne orta bıznes tartylady. Teatr aptalyǵy kezinde kórme, teatr sahnasynyń jetekshi teatrlary men metrleriniń túrli sheberlik sabaqtary uıymdastyrylady, sondaı-aq qala turǵyndary arasynda spektaklderdiń qyzyqty premera qoıylymdaryna bıletter oınatylady. Teatr aptalyǵyn uıymdastyrýǵa qatysty barlyq aqparat visitnursultan.kz saıtynda ornalastyrylady.

«Byltyr jyly jańa qazaq drama teatry ashyldy, onda saıabaqty abattandyrylady. Sondaı-aq, «Astana Opera» teatrynyń qasynda emen baǵy, «Astana balet» teatry men Q. Qýanyshbaeva atyndaǵy qazaq mýzykalyq drama teatrynyń qasynda baq bolady.

Bıyl Jastar saraıy men jas kórermenniń mýzykalyq teatryn jalǵaıtyn «teatr býlvary» jaıaý júrginshiler alleıasy, sondaı-aq A.Mámbetov kóshesiniń (Kenesary kóshesi men Abaı dańǵylynyń arasyndaǵy) ýchaskesinde ornalasqan «Demalys Promenade» alǵashqy jaıaý júrginshiler kóshesi ashyldy.», – dedi elorda ákimi.

Basty sózder: Mádenıet, Nur-Sultan,
Joǵary qaraı