Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada oqýshylardy tamaqtandyrýdan únemdelgen aqshaǵa mektepterge noýtbýk satyp alynady

2020 jyldyń 4 mamyr 2020 17:40

NUR-SULTAN. QazAqparat - Astanada oqýshylardy tamaqtandyrýdan únemdelgen qarajat mektepterge noýtbýk satyp alyp, beınebaqylaý kameralaryn ornatýǵa jumsalyp jatyr, dep habarlaıdy QazAqparat tilshisi.

Nur-Sultan qalalyq bilim basqarmasynyń basshysy Sholpan Qadyrova málim etkendeı, elordada qazirgi ýaqytta 182 279 myń bala oqıtyn 117 mektep bar. Onyń ishinde 91-i memlekettik, 22-i jekemenshik, 1-ýi respýblıkalyq fızıka-matematıka mektebi jáne 3-i Nazarbaev Zııatkerlik mektebi. Mektep pedagogtarynyń sany - 10302.

«Ózderińiz biletindeı 4-shi toqsan qashyqtan oqytý júıesimen bastaldy. Ol úshin onlaın rejımde Google Classroom, Microsoft Teams, Google meet, Hangouts Meet, Zoom platformalary qoldanyldy. Kundelik, Daryn Online, Bilimland, what'sApp, Telegramm, Google Disc, elektrondyq poshta paıdaǵa jarady. Sondaı-aq «Balapan», «El arna» telearnalarynyń beıne-sabaqtary paıdalanylýda. Qashyqtan oqýdyń nátıjeligin arttyrý maqsatynda oqýshylar men pedagogtardyń kompıýterlermen jáne ınternet jelisine qoljetimdiligine monıtorıng júrgizildi. Mektep esebindegi 7118 kompıýter kópbalaly, az qamtylǵan otbasylardaǵy 6500 oqýshyǵa jáne qajettilik tanytqan 618 pedagogke ýaqytsha paıdalanýǵa berildi», - dedi Sholpan Qadyrova búgin ótken baspasóz máslıhatynda.

Basqarma basshysynyń aıtýynsha, qosymsha 2 613 noýtbýk jáne ınternetpen qamtamasyz etý úshin 5 200 flesh-karta satylyp alynǵan.

«Bul qarajat 1-4 synyptardyń tamaqtanýynan únemdeý esebinen paıdalanyldy. Sondaı-aq qalǵan somasy beınebaqylaýdy qamtamasyz etýge baǵyttaldy», - dedi ol.


Avtor Aıan Bekenuly
Basty sózder: Azyq-túlik, Bilim kúni, Nur-Sultan,
Joǵary qaraı