Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada óndiristik jaraqat sany artqan

2021 jyldyń 22 qazan 2021 12:51

NUR-SULTAN. QazAqparat – Elimizdiń 6 óńirinde óndiristegi jaraqattardyń sany artqan. Bul týraly ortalyq kommýnıkatsııalar qyzmetinde ótken brıfıngide QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev aıtty, dep habarlaıdy QazAqparat tilshisi.

«9 aıdyń qorytyndysy boıynsha óndiristerde jaraqattaný deńgeıi 0,15 paıyzǵa deıin tómendep otyr. Osy aralyqta elimizdiń kásiporyndarynda 1 062 adam zardap shekti. Ókinishke qaraı, onyń ishinde 140 adam qaza tapty. Árbir jazataıym oqıǵa boıynsha eńbek ınspektorlary tergep tekserý júrgiziledi. Onyń nátıjeleri boıynsha kináli tulǵalar jaýapkershilikke tartylady», - dedi komıtet basshysy.

Sondaı-aq, ol óndiristik jaraqattar ásirese qaı salalarda jıi kezdesetinine toqtaldy.

«Salalar bólinisinde qaraıtyn bolsaq, zardap shekkenderdiń eń kóp sany taý-ken-metallýrgııa kásiporyndarynda – 19 paıyz. Sonymen birge qurylys salasynda 11,3 paıyz, kommýnaldyq sharýashylyq kásiporyndarynda da osyndaı oqıǵalar jıi bolyp turady», - dedi Erbol Nurǵalıev.

Onyń málimeti boıynsha, bıylǵy jyldyń 9 aıy ishinde 6 birdeı óńirde óndiristik jaraqattar aıtarlyqtaı jıilegen.

«Óńirlerdiń ónerkásiptik sıpatyn eskere otyryp qarasaq, jaraqattanýdyń joǵary deńgeıi Qaraǵandy, Shyǵys Qazaqstan, Aqtóbe, Pavlodar oblystarynda tirkelgen. Birqatar óńirde byltyrǵy kórsetkishpen salystyrǵanda óndiristik jaraqattardyń ósýi baıqalyp otyr. Aqtóbe oblysynda 54 adamnan 91 adamǵa deıin, Atyraý oblysynda 21-den 38 adamǵa deıin, Qyzylorda oblysynda 32-den 53 adamǵa deıin ósip otyr. Sonymen qatar qatar Nur-Sultan qalasynda da ósý baıqaldy. Zardap shekkender sany 32-den 43 adamǵa deıin jetken», - dedi Eńbek, áleýmettik qorǵaý jáne kóshi-qon komıtetiniń tóraǵasy.


Joǵary qaraı