Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada plastık bótelke qabyldaıtyn taǵy bir fandomat iske qosyldy

2021 jyldyń 8 jeltoqsan 2021 21:28

NUR-SULTAN. QazAqparat – Elordada qaıta óńdeýge jiberiletin plastıkalyq bótelkelerdi qabyldaıtyn ekinshi fandomat paıda boldy, dep habarlaıdy QazAqparat tilshisi.

«City Transportation Systems» kompanııasynyń málimetinshe, elordadaǵy mundaı ekinshi apparat «Gúljan» saýda úıinde ornatylǵan. Sonymen qatar bótelke ydysty tapsyrý baǵasy 5 teńgege deıin kóterildi. Jınalǵan somany kólik kartasynyń balansyna aýdarýǵa nemese qaıyrymdylyqqa jiberýge bolady.

«Kólik kartasyn toltyrý úshin Transcard.kz saıtynda fandomatta alynǵan arnaıy kýpondy iske qosý kerek», - dep atap ótedi kompanııadan.

Esterińizge sala ketsek, osy jyldyń 4 maýsymynda elordada «Kerýen» saýda ortalyǵynda bótelkelerdi qaıta óńdeýge qabyldaıtyn «Fandobox ecoplatform» avtomaty iske qosylǵan edi.

Apparat kólemi 0,5-ten 2 lıtrge deıingi plastık bótelkelerdi, alıýmınıı bankalardy shtrıh-kodymen qabyldaıdy. Olardyń ishinde suıyqtyq bolmaýy tıis. Aldymen qolaıly bótelkeniń nemese bankanyń shtrıh-kodyn kórsetý kerek. Bótelke kórsetilgen ólshemderge sáıkes kelse, apparat ony qabyldaıdy. Birneshe bótelke nemese banka tapsyrǵyńyz kelse de, olardy kezek-kezek salý kerek.

Al bótelkeni tapsyrý arqyly elordadaǵy qoǵamdyq kólik kartasyna balans toltyrýǵa múmkindik beretin mundaı apparat ótken aıda «Astanalyq» bazarda («Artem» saýda úıi) ornatylǵan edi. Ol kezde bir bótelke tapsyrǵany úshin 3 teńge bonýs beriletin.


Avtor Marlan Jıembaı
Basty sózder: Nur-Sultan, Ekologııa, Qoǵam, Kólik,
Joǵary qaraı