Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada revaktsınalaý jumystary qalaı júrip jatyr

2021 jyldyń 30 qarasha 2021 15:21

NUR-SULTAN. QazAqparat - Elordadaǵy qoǵamdyq Densaýlyq saqtaý basqarmasynyń basshysy Tımýr Muratov qaladaǵy revaktsınalaý jumystary jaıynda túsindirdi, dep habarlaıdy QazAqparat tilshisi.

«22 qarashadan bastap elimizde azamattardy koronavırýstyq ınfektsııaǵa qarsy revaktsınatsııalaý bastaldy. Revaktsınatsııa bastalǵanǵa deıin kóptegen daıyndyq jumystary júrgizildi: ekpe kabınetteriniń daıyndyǵyn baqylaý, revaktsınatsııa algorıtmi boıynsha medıtsına qyzmetkerlerine arnalǵan oqytý semınarlaryn ótkizý, halyq arasynda aqparattyq-túsindirý jumystary. Búgingi kúni qala boıynsha medıtsınalyq qyzmetkerler, muǵalimder, kúsh qurylymdarynyń qyzmetkerleri, 60 jastan asqan jáne ımmýnıteti tómen adamdar, medıtsınalyq-áleýmettik mekemelerdiń personaly men kontıngentinen 784 adam KVI-ge qarsy qaıta vaktsına aldy», - dedi T. Muratov onlaın brıfıngide.

Onyń aıtýynsha, olardyń ishinde 170 adam otandyq Qazvac vaktsınasymen qaıta vaktsınatsııalandy. Qaıta egý úshin 500-ge jýyq azamat Sinofarm Vero cell vaktsınasyn tańdady.

«Revaktsınatsııa sanıtarlyq normalar men komponentter arasyndaǵy aralyqty qatań saqtaı otyryp júrgiziletinin atap ótemin. Revaktsınatsııadan medıtsınalyq uıymdardyń, saýda úıler men saýda ortalyqtaryndaǵy vaktsınalaý pýnktterinde ótýge bolady. Koronavırýstyq ınfektsııaǵa qarsy ekpe alǵysy keletinderdi vaktsınatsııalaý jáne revaktsınatsııalaý qalanyń 31 medıtsınalyq jáne vedomstvolyq uıymdarynda ornalasqan 72 egý kabınetinde, 4 saýda úıi men ortalyqtarynda («Azııa Park», «Ábý-Dabı Plaza», «Kerýen», «Eýrazııa») jáne «Nurly Jol» temirjol vokzalynda júrgiziledi», – dedi basqarma basshysy.


Joǵary qaraı