Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada Shý aýdanyndaǵy «Nur Otan» ǵımaratyn órteýge qatysqan kúdikti ustaldy

2022 jyldyń 21 qańtar 2022 22:42

NUR-SULTAN. QazAqparat – Elordada Shý aýdanyndaǵy «Nur Otan» ǵımaratyn órtedi degen kúdikpen bir adam ustaldy. Bul týraly Nur-Sultan qalasy Polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

«Jedel-izdestirý sharalaryn júrgizý barysynda krımınaldyq polıtsııa qyzmetkerleri jappaı tártipsizdikterge qatysy bar 35 jastaǵy Jambyl oblysynyń turǵynyn ustady.

Quqyq qorǵaý organdarynyń habarlaýynsha, ustalǵan azamat Shý aýdany Tóle bı kentinde «Nur Otan» partııasy fılıalynyń ǵımaratyn órteýge qatysqan.

Qylmystyq qýdalaýdan boı tasalap júrgen er adam 9 qańtarda elordaǵa kelip, jalǵa alǵan páterde turyp jatqan», - delingen málimette.

Departamenttiń deregine qaraǵanda, kúdikti retinde ustalǵan jigittiń syrtynan izdeý jarııalanǵan.

«14 qańtarda Jambyl oblysy Polıtsııa departamenti Shý polıtsııa bólimi kúdiktige izdeý jarııalady. Atalǵan fakti boıynsha sotqa deıingi tergeý amaldary júrgizilýde. Qazirgi ýaqytta kúdikti qamaýǵa alyndy. Endi ol izdeý jarııalaǵan polıtsııa bólimshesine jiberiledi», - dep jazady elordalyq departamenttiń baspasóz qyzmetinen.


Joǵary qaraı