Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada sporttyq básekege aqsha tigip, jurtty aldaǵan alaıaq ustaldy

2021 jyldyń 20 shilde 2021 12:45

NUR-SULTAN. QazAqparat – 21 jasar Túrkistan oblysynyń turǵyny 55 astanalyqty sazǵa otyrǵyzyp ketti. Ol sporttyq utysqa aqsha tigip, baıýdyń ońaı jolyn usynǵan, dep habarlaıdy QazAqparat Nur-Sultan qalasy Polıtsııa departamentine silteme jasap.

«Jas jigit Instagram paraqshasynda sporttyq utysqa aqsha tigip, 100% utysqa ıe bolý týraly habarlama jarııalaǵan. Alaıaq elordalyqtardy sporttyq básekege aqsha tigýge kóndirip, olardan elektrondy ámııanyna aqsha jiberýin suraǵan. Jáne básekeden túsken paıdany táýlik ishinde jiberýge ýáde berip, aqshany alǵan soń, aldanǵan azamattardyń baılanys nómirlerin buǵattap tastaǵan. Tergeý barysynda anyqtalǵandaı, ol azamattyń utys tigýge esh qatysy joqtyǵy jáne jurt túsken aqshany óz qajetine jaratqany belgili boldy. Jedel izdestirý sharasy nátıjesinde alaıaq ustalyp, tergeý ızolıatoryna qamaldy. Ol keltirgen shyǵynnyń kólemi 3 500 000 teńgeni quraıdy», - delingen habarlamada.

Departamenttiń habarlaýynsha, pandemııa kezinde ınternette osy sekildi jeńil aqsha tabýǵa shaqyratyn jalǵan habarlamalar kóbeıip ketken.

«Onyń eshqandaı talaby joq, tek aqsha jiberse bolǵany. Ókinishke qaraı, keıbir azamattar jeńil tabys tabý jolynda aldanyp qalyp jatady. Osy oraıda ınternette jarııalanǵan habarlamalardyń rastyǵyn jiti teksergen jón», - dep habarlaıdy departamentten.

Nur-Sultan qalasy Polıtsııa departamenti azamattardan jeli alaıaqtarynyń aldaýyna túsip qalmaýǵa keńes beredi. Internette jarııalanǵan túsiniksiz jáne kúmándi oıyn, utystarǵa qatyspaýǵa shaqyrady. Alaıaqtar óz kezeginde turǵyndardy tıimdi utysqa ıe bolatynyn aıtyp, jalǵan ýádemen san soqtyrady.


Joǵary qaraı