Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada tótenshe jaǵdaıda zardap shekkenderdi ýaqytsha ornalastyrý beketteri ashyldy

2021 jyldyń 24 qarasha 2021 16:07

NUR-SULTAN. QazAqparat – Elordada túrli tótenshe jaǵdaı saldarynan zardap shekken adamdarǵa jedel járdem kórsetý maqsatynda arnaıy beketter ashyldy. Bul týraly Nur-Sultan qalasy Tótenshe jaǵdaılar departamenti azamattyq qorǵanys basqarmasynyń basshysy Rátbek Demeýbergen málim etti, dep habarlaıdy QazAqparat tilshisi.

«Elordada qystygúni tótenshe jaǵdaı saldarynan zardap shekkender úshin 13 ýaqytsha ornalastyrý beketi ashylyp, onda 1800 tósek-oryn daıyndaldy. Keıde tótenshe jaǵdaı kezinde adamǵa shuǵyl kómek kórsetý kerek bolady. Al jádel járdem kelip, zardap shegýshini aýrýhanaǵa jetkizem degenshe ýaqyt joǵaltyp alady. Osy oraıda qala aýmaǵy men mańaıynda arnaıy jedel beket qyzmetin iske qosyp otyrmyz», - dedi Rátbek Demeýbergen elorda ákimdiginde ótken baspasóz máslıhatynda.

Onyń aıtýynsha, adamdar qystygúni jıi tap bolatyn tótenshe jaǵdaı túrine aýa raıy qolaısyzdyǵynan jolda qalý jáne juqa muz ústinde shyǵý jatady.

«Jyl saıyn juqa muz kezeńinde ásirese kúz ben qystyń arasynda oqys oqıǵalar jıi bolyp jatady. Eresek adamdar tolyq qatpaǵan muz aıdyndaryna kóbinese balyq aýlaýǵa barsa, al balalar qyzyq qýyp, syrǵanaý úshin barady. Sondyqtan da ata-analar balaǵa saq bolýy qajet. Aýa raıynyń qolaısyzdyǵyna qaramastan jolǵa shyǵyp ketetin adamdardyń da qatary az emes. Óz kezegimizde kún raıy nasharlaǵan kezde kórshi Aqmola, Pavlodar, Karaǵandy, Qostanaı jáne SQO-nyń tótenshe jaǵdaılar departamentimen turǵyndardy ýaqtyly habardar etip, qaýiptiń aldyn alý sharasyn birlesip atqaramyz», - deıdi ol.

Odan bólek, basqarma basshysy halyq arasynda qaýipsizdik sharasyn túsindirý jumysynyń júrgizilgenin aıtty.

Buǵan deıin habarlaǵanymyzdaı elordada qar basyp qalatyn aýmaqtardyń ahýaldyq kartasy ázirlendi.


Avtor Álı Ibraev
Basty sózder: Nur-Sultan, Qoǵam, Medıtsına,
Joǵary qaraı