Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada resto-barda jelide tikeleı efır júrgizgender ózderin polıtsııaǵa ustap berdi

2021 jyldyń 2 tamyz 2021 11:29

NUR-SULTAN. QazAqparat - Elordada toı ústinde tikeleı efır júrgizgen adamdar karantındi buzǵany úshin jaýapqa tartyldy, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.

Áleýmettik jelge monıtorıng júrgizý barysynda 1 tamyzda Baýyrjan Momyshuly dańǵylynda ornalasqan «Kakıe lıýdı» resto-bardyń karantın rejımin buzǵany anyqtaldy. Monıtorıngileý toby kelgen kezde aqparat rastaldy.


«Mekeme Bas sanıtarlyq dárigerdiń qaýlysynda kórsetilgen senbi jáne jeksenbi kúnderi jumys jasaýǵa tyıym salýyna qaramastan, jumys istegen.

Resto-bardyń ishindegi kelýshiler kóńil kóterip, karaokemen án aıtqan, sanıtarlyq normalardy buzǵan. Sondaı-aq, áleýmettik jelige shyǵyp, tikeleı efır júrgizgen. Ústelder kelýshilerge ázirlengen», delingen habarlamada.




Mekeme ıesine qatysty jınalǵan materıal QR ÁQBK 425-babymen ákimshilik jaýapqa tartý úshin ýákiletti organǵa joldanǵan.

Sanıtarlyq – epıdemıologııalyq baqylaý basqarmasy, ákimdik qyzmetkerlerinen, volonterlardan jáne polıtseılerden qurylǵan monıtorıngi toby karantın rejımin buzǵandardy anyqtaý úshin reıd júrgizýdi jalǵastyrady.

Azamattar qoldanystaǵy qaýlyǵa qaramastan, osy ýaqytqa deıin oıyn-saýyq mekemelerine barýdan bas tartpaı jatyr.

Mobıldi toptar demalys kúnderi 155 kásipkerlik obektisin tekserip, 40 faktini anyqtady.

Qalalyq Polıtsııa departamenti kásipkerlerdi karantın sharalaryn buzǵany úshin jaýapqa tartylatynyn eskertedi jáne azamattardy kópshilik sharalarǵa barmaýǵa jáne otbasylyq toılardy ótkizýden bas tartýǵa, sondaı-aq sanıtarlyq normalardy saqtaýǵa shaqyrady.


Basty sózder: Nur-Sultan, QR ІІM,
Joǵary qaraı