Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada Toyota Camry aýyr júk kóliktiń astyna kirip ketti

2021 jyldyń 11 mamyr 2021 08:52

NUR-SULTAN. QazAqparat – Elordada jeńil kólik joldyń qarama qarsy baǵytyndaǵy Shacman aýyr júk kóligine soǵyldy, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

«10 mamyrda Nur-Sultan qalasynyń 102 nómirine jol-kólik oqıǵasy týraly habarlama kelip tústi. Ál-Farabı dańǵylymen júrip kele jatqan Toyota Camry kóliginiń 51 jastaǵy júrgzýshisi joldyń qarama-qarsy jolaǵyna shyǵyp ketip, onda 32 jastaǵy júrgizýshi aıdap kele jatqan Shacman aýyr júk kóligimen soqtyǵysqany anyqtaldy», delingen habarlamada.

Jol apaty saldarynan Toyota Camry kóliginiń júrgizýshisi oqıǵa ornynda qaıtys boldy.

Atalǵan fakti boıynsha tergeý amaldary júrgizilip jatyr.

Qalalyq polıtsııa departamenti júrgizýshilerdi jolda saq bolyp, jol qozǵalysy erejesin qatań saqtaý kerektigin eskertedi.


Basty sózder: Oqıǵa, Kólik, Nur-Sultan,
Joǵary qaraı