Aýa raıy
Astana 6 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Elordada túnde istep turǵan dámhananyń klıentteriniń arasynda bes jasóspirim bolǵan

2020 jyldyń 6 tamyz 2020 19:08

NUR-SULTAN. QazAqparat – Elorda aýmaǵynda túngi ýaqytta jasóspirim balalar júrgen dámhana anyqtaldy, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.

«5 tamyzda túngi saǵat 3-te Shevchenko kóshesiniń boıyndaǵy dámhanada bas sanıtarlyq dáriger qaýlysynyń buzylý faktisi tirkeldi. Karantındik sharalarǵa qaramastan dámhana jumys istep turǵan. Onyń ishinde 26 klıentke qyzmet kórsetilip jatqan, olardyń arasynda bes jasóspirim bolǵany anyqtaldy», - delingen habarlamada.

Jasóspirimderdiń zańdy ókilderi QR Ákimshilik kodeksiniń 442-baby 1-bóligi boıynsha ákimshilik jaýapqa tartyldy. Dámhana ıesi de jaýapqa tartylyp, 10 AEK kóleminde (27780 teńge) aıyppul tóleıdi. Buǵan qosa, dámhana ıesine qatysty materıaldar Taýarlar men kórsetiletin qyzmetterdiń sapasy men qaýipsizdigin baqylaý basqarmasyna jiberildi.

Ótken táýlikte Nur-Sultan qalasynyń polıtseıleri, epıdemıolog, eriktiler men jergilikti atqarý organdarynyń ókilderinen quralǵan mobıldi top 11 ret karantın sharasynyń buzylýyn anyqtady. Qalalyq polıtsııa departamenti azamattarǵa karantın sharalaryn buzǵany úshin jaýapqa tartylatynyn eskertedi jáne sanıtarlyq normalardy saqtaýǵa shaqyrady.


Basty sózder: Nur-Sultan, QR ІІM, Karantın,
Joǵary qaraı