Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Elordada túngi klýbta kóńil kótergender ustaldy

2020 jyldyń 26 qyrkúıek 2020 16:38

NUR-SULTAN. Elordada karantın kezinde túngi klýbta kóńil kótergen jastar ustaldy. Bul týraly QazAqparat Nur-Sultan qalalyq Polıtsııa departamentine silteme jasap habarlaıdy.

«Búgin túngi saǵat 01:30-da 102 nómirine elorda turǵyndary qońyraý shalyp, «Aýra« túngi klýbyna barýshylar shýlap, turǵyndardyń mazasyn alyp jatqany týraly habarlady. Polıtsııa qyzmetkerleri oqıǵa ornyna bardy. Olar kelgen kezde túngi klýb ishinde demalýshylar toly bolǵan jáne tyıym salynǵanyna qaramastan bári bılep, kóńil kóterip júrgen. Jastar medıtsınalyq maska taqpaǵan jáne ara qashyqtyqty saqtamaǵan», - delingen Nur-Sultan qalalyq Polıtsııa departamentiniń baspasóz habarlamasynda.

Túngi ýaqytta tynyshtyq buzyp, karantın rejımin saqtamaǵandar «Esil» aýdandyq polıtsııa basqarmasyna jetkizildi.

«Túnde tynyshtyq buzý, qoǵamdyq orynda jáne ǵımarat ishinde kalıan shegýge baılanysty quqyq buzýshylyqqa qatysty 65 ákimshilik hattama toltyryldy. Sondaı-aq, ishimdik ishken kúıde jáne qujatsyz kúıde kólik basqarý faktisi boıynsha 5 ákimshilik hattama toltyryldy. «Aýra« túngi klýbynyń ákimshiligi turǵyndardyń sanıtarlyq-epıdemıologııalyq jaǵdaıyna qatysty buryn da zań buzǵan», - delingen baspasóz habarlamasynda.


Joǵary qaraı