Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada turǵyn úı menshik ıeleri birlestiginiń ortalyǵy ashyldy

2021 jyldyń 2 jeltoqsan 2021 12:22

NUR-SULTAN. QAZAQPARAT – Elordada menshik ıeleri birlestigine kóshý boıynsha turǵyndarǵa keńes beretin ortalyq ashyldy. Bul týraly Nur-Sultan qalasy turǵyn úı jáne turǵyn úı ınspektsııasy basqarmasy basshysynyń orynbasary Darhan Qulbaev málim etti, dep habarlaıdy QazAqparat tilshisi.

«Búginde elorda halqyna yńǵaıly bolý úshin turǵyn úı máselelerine qatysty bir jerden memlekettik organǵa júginýge múmkindik beretin turǵyn úı ortalyǵy quryldy. Ortalyq mamandary aı saıyn 350-ge jýyq menshik ıelerine kóppáterli turǵyn úıdi basqarý boıynsha keńes beredi. Sondaı-aq, turǵyn úı ınspektsııasy basqarmasy, aýdan ákimdigi apparattarynyń qyzmetkerleri jáne belsendi elorda turǵyndarynan quralǵan mobıldi top uıymdastyryldy. Maqsat- turǵyn úıdi basqarý jáne damytýǵa qatysty halyq arasynda túsindirý jumysyn ótkizý, keńes berý. Sonymen qatar menshik ıeleri birlestigin qurýda qoldaý kórsetý. Bekitilgen kestege sáıkes tórt aýdan boıynsha turǵyndar arasynda túsindirý jumystary turaqty júrip tur», - Darhan Qulbaev elorda ákimdiginde ótken baspasóz máslıhatynda.

Onyń aıtýynsha, astanalyqtarǵa jınalys barysynda turǵyn úı zańnamasynyń normalary da túsindiriledi.

«Menshik ıeleri birlestigine kóshý boıynsha turǵyndarǵa keńes beretin ortalyq ashyldy. Ashylǵan sátten bastap ortalyqqa turǵyndardan 4500-den astam ótinish kelip tústi. Sondaı-aq iKomek qyzmeti arqyly keńes alýǵa bolady. Búginde elordada 560 kóppáterli turǵyn úıde 434 menshik ıeleri birlestigi jumys istep tur», - deıdi ol.

Buǵan deıin Nur-Sultanda «Elorda kórshileri» baǵdarlamasynyń iske qosylǵany týraly habarlaǵan edik.


Avtor Álı Ibraev
Basty sózder: Turǵyn úı, Nur-Sultan,
Joǵary qaraı