Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada Túrkııanyń demokratııa jáne ulttyq birlik kúni atalyp ótti

2021 jyldyń 15 shilde 2021 13:38

NUR-SULTAN. QazAqparat – Búgin - Túrkııa Respýblıkasynyń demokratııa jáne ulttyq birlik kúni. Osyǵan oraı elordadaǵy Túrkııa elshiliginde arnaıy shara ótti, dep habarlaıdy QazAqparat tilshisi.

2016 jyldyń 15 shildesinde Túrkııada jasyryn uıym músheleri tóńkeris uıymdastyrǵan edi. Saldarynan 251 jan mert bolyp, 2 myńnan astam adam jaraqat aldy.

Sol oqıǵa qurbandaryn eske alý maqsatynda búgingi jıyn 1 mınýt únsizdikten bastalyp, sodan soń Túrkııa eliniń ánurany oryndaldy.

«Búgin 2016 jyly Túrkııada oryn alǵan tóńkeris kezinde qaza bolǵan qaharmandarymyzdy eske alýǵa jınalyp otyrmyz. Qaıǵyly oqıǵanyń bolǵanyna qaramastan biz úshin azamattarymyzdyń bostandyǵy men quqyǵyn qorǵaý - basty mindet bolyp qala beredi. Erekshe aıtyp ótetin sát, sol jyly tamyzda QR Prezıdenti Nursultan Nazarbaev bizdiń elge memlekettik saparmen bardy. Atalǵan sapar qaıǵyly oqıǵadan keıingi alǵashqy memleket basshysynyń sapary boldy. Qıyn sátte baýyrlastyq tanytqan qazaq eline rızashylyǵymyzdy bildiremiz», - dedi Túrkııa Respýblıkasynyń Qazaqstandaǵy elshisi Ýfýk Ekıdjı.




Sondaı-aq, shara barysynda Túrkııanyń demokrııa jáne ulttyq birlik kúnine arnalǵan fotokórme ashyldy.

Kórmede 2016 jyly bolǵan tóńkeris tarıhynan habar beretin 20-dan astam sýret qoıylǵan.


























Joǵary qaraı