Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada ÚEU akademııasynyń alǵashqy túlekterine sertıfıkattar tabystaldy

2021 jyldyń 28 qazan 2021 18:19

NUR-SULTAN. QazAqparat – Búgin elordada Úkimettik emes uıymdar akademııasynyń alǵashqy túlekterine sertıfıkattar tabystaldy, dep habarlaıdy QazAqparat tilshisi.

«Mınıstrliktiń qoldaýymen ótken jyldan bastap úkimettik emes uıym ókilderin qoldaýǵa arnalǵan joba qolǵa alyndy. Búginde qoǵamnyń damýynda úkimettik emes uıymdardyń róli erekshe. Sarapshylardyń málimetinshe, búginde ÚEU salasynda 20 myńnan astam azamatymyz eńbek etip jatyr. Jáne olardyń qatary men mańyzy jyl sanap artyp keledi. Osy oraıda el kóleminde ÚEU qyzmetin odan ári ilgeriletip, sala mamandarynyń biliktiligin arttyrý jumystary júrip jatyr. Búgingi shara – sonyń kýási. Jalpy osy ýaqyt aralyǵynda ÚEU salasy boıynsha 800-den astam mentor daıarlandy», - dedi QR Aqparat jáne qoǵamdyq damý vıtse-mınıstri Bolat Tilepov.

Onyń aıtýynsha, mınıstrlikten bólek, atalǵan salanyń damýyna Azamattyq bastamalardy qoldaý ortalyǵy da turaqty qoldaý kórsetip keledi.




«Sonymen qatar úkimettik emes uıymdardyń qanshalyqty kerektigine taldaý jasalyp, bilim baǵdarlamasy ázirlendi. Odan bólek, jýyrda úkimettik emes uıymdardyń qyzmetine arnalǵan mobıldik qosymsha iske qosylady. Ol jerde ÚEU-ǵa qatysty barlyq málimetter bolady», - deıdi ol.

Uıymdastyrýshylardyń aıtýynsha, joba qatysýshylary Úkimettik emes uıymdar akademııasynan «Strategııalyq oılaý», «Tıimdi menedjment daǵdylary», «Áleýmettik marketıng», «Qarjylyq saýattylyq», jáne «Bıznes-jospar qurý» taqyryptary boıynsha bilim alyp shyqty.

«Qatysýshylar onlaın rejıminde belsendilik tanytyp, bilim men daǵdyny qatar ıgerdi. Sondaı-aq, úırenýshiler bıznes ıdeıalaryn ortaǵa salyp, tálimgerlik qoldaý kórsetildi. Joba aıasynda oqý baǵdarlamasy jasalyp, oqý-ádistemelik materıaldar toptamasy ázirlendi. ÚEU salasyn meńgergen jalpy sany 167 mentor daıarlyqtan ótti, endi olar basqalardy úıretetin bolady. Atalǵan joba ÚEU-nyń qoǵamdaǵy rólin kúsheıtip, jańa ıdeıalar men áleýmettik bastamalardyń paıda bolýyna yqpal etkeni sózsiz», - dedi «Óreli urpaq» áleýmettik kásipkerlik mektebiniń úılestirýshisi Zýbırash Smaǵulova.

Joba úılestirýshisiniń málimetinshe, joǵaryda atalǵan 167 maman ÚEU salasyn bıyl mamyr-qazan aılary aralyǵynda meńgerip shyqty.




































Joǵary qaraı