Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada urlyq kóbine qaı jerde jasalady

2022 jyldyń 27 qańtar 2022 13:33

NUR-SULTAN. QazAqparat – Elordada urlyq jasaý faktisi jıi tirkeletin oryndar belgili boldy, dep habarlaıdy QazAqparat tilshisi.

«Elordada tótenshe jaǵdaı kezinde 4 -19 qańtar aralyǵynda kásibı túrde páter tonaý oqıǵasy bolǵan emes. Jalpy tonaý, urlaýdyń birneshe túri bolady. Mysaly, qonaqqa keledi, otyrysta alkogol ishýi múmkin. Sondaı sátte úı ıesiniń mastyǵyn nemese beıqamdyǵyn paıdalanyp páterden altyn, basqa da baǵaly buıymdardy jymqyryp ketedi. Buny áýesqoı urlyq deýge bolady. Sebebi ury daıyndyqsyz jasaıdy», - dedi Nur-Sultan qalasy polıtsııa departamenti krımınaldyq polıtsııa basqarmasynyń bólim basshysy Dıas Qadirov brıfıngte.

Polıtsııa departamenti bergen statıstıkaǵa súıensek, ótken jyldyń 12 aıynda urlyq jasaǵan 2 myńnan astam azamat jaýapqa tartyldy. Sondaı -aq 17 avtokólik aıdap áketýshi ustaldy.

«Urlyq jasaý qylmysynyń 90 paıyzy aýlada turǵan avtokólikti tonaýǵa tıesili. Nemese ıesi dúkenge kirip bara jatyp kóliktiń esigin ashyq qaldyrýy múmkin. Urylar bundaı sátti qalt jibermeıdi. 1 mınýttyń ózi jetip jatyr. Sondaı-aq, 10 paıyz jaǵdaıda urlyq jasaý oıyn-saýyq jáne saýda ortalyqtary mańynda, odan bólek bazar jáne oqý oryndarynyń ǵımaratynda bolyp jatady», - deıdi ol.

Buǵan deıin elimizde urlyq jasaý qylmysy boıynsha jazanyń qatańdatylǵany týraly habarlaǵan edik.



Avtor Álı Ibraev
Basty sózder: QR ІІM, Qylmyspen kúres, Nur-Sultan,
Joǵary qaraı