Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada úsh aýysymdy mektepterdiń sany 2 ese azaıdy

2022 jyldyń 25 mamyr 2022 14:08

NUR-SULTAN. QazAqparat – El astanasynda oqýshy sany shamadan artyq mektepterdiń sany 22-den 14-ke deıin qysqardy. Bul týraly Nur-Sultan qalasynyń ákimi Altaı Kólginov málim etti, dep habarlaıdy QazAqparat tilshisi.

«Memleket basshysynyń jarlyǵymen bıyl balalar jyly atalyp ótip jatyr. Osyǵan baılanysty balalardyń tárbıesi men bilimine erekshe mán berilgen. Sport sektsııalary men úıirmelerdiń sany kóbeıip jatyr. Sonymen qatar balalarǵa arnalǵan nysandardyń ınfraqurylymyn jaqsartý da nazarda. Qala bıýdjetiniń 35 paıyzy, bul shamamen 500 mlrd teńge - balalarǵa jumsalady. ıAǵnı olarǵa bilim berýge, sport pen ónerge baýlýǵa jáne basqa tárbıelik-tanymdyq sharalarǵa baǵyttalǵan. Bul - aıtarlyqtaı qoldaý», - dedi Altaı Kólginov qalalyq máslıhattyń 25-shi kezekten tys sessııasynda.

Qala basshysynyń aıtýynsha, orta bilim oshaqtarynyń sanyn ulǵaıtý - basym maqsat.

«Elordada 70 myń oqýshyǵa arnalǵan 34 mektep salyndy. Endi osy kórsetkishti azaıtpaýymyz kerek. Jyl sanap halyqtyń sany artyp keledi. Sonymen qatar 3 aýysymdy mektep máselesi 2 ese azaıdy. Odan bólek, oqýshy sany shamadan tys mektepterdiń sany 22-den 14-ke azaıdy. Búgin elordada 8599 túlek mektep bitirip jatyr. Al qyrkúıekte 25-26 myń bala mektep tabaldyryǵyn attaıdy», - deıdi ol.


Joǵary qaraı