Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada vaktsınatsııalanǵandar arasynda bes iPhone 12 oınatylady

2021 jyldyń 4 tamyz 2021 20:22

NUR-SULTAN. QazAqparat - Elordada apta saıyn ekpe alǵandar arasynda baǵaly syılyqtar oınatylady, dep habarlaıdy QazAqparat qala ákimdiginiń resmı saıtyna silteme jasap.

Taǵy bes iPhone 12 jáne basqa da baǵaly syılyqtardyń besinshi utys oıyny 7 tamyzda (senbi) Nur-Sultan qalasy ákimdiginiń áleýmettik jelilerdegi (Facebook, YouTube) paraqshalarynda tikeleı efırde ótedi. Besinshi utys oıynyna 31 shilde men 6 tamyz aralyǵynda (qosa alǵanda) vaktsına alǵandar qatysady. Utys oıynyna baılanysty qujat toltyryp, tirkelýdiń qajeti joq.

Qala ákimdigi demeýshiler esebinen baǵaly syılyqtardyń utys oıyndaryn apta saıyn ótkizedi.

Osy aptalyq utys oıynynan basqa, 28 shilde men 6 tamyz aralyǵynda (qosa alǵanda) vaktsınatsııalanǵandar arasynda úsh iPhone12 oınatylady. Atalǵan utys oıynyna «Ábý Dabı Plaza», «Kerýen», «Saryarqa» saýda keshenderinde jáne olarǵa bekitilgen BMSK uıymdarynda – №2, 9 jáne 14 qalalyq emhanalarda vaktsına alǵandar qatysady. Bul utys oıynynyń tikeleı efıri 7 tamyzda ótedi.

Birge (https://birge-elorda.kz/nur-sultan) platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan. Ony ázirleýge IT-qaýymdastyq qatysty. Ekpe alǵandar boıynsha servıs QR Densaýlyq saqtaý mınıstrliginiń aqparattyq júıesimen biriktirilgen.

Aıta keteıik, elordada azamattardy vaktsınatsııalaýǵa yntalandyrý maqsatynda baǵaly syılyqtar oınatylady.

Ekpe alǵandardyń arasynda eki bólmeli páter oınatylady. Osy jyldyń 25 maýsymy men 31 tamyzy aralyǵynda vaktsınanyń birinshi komponentin alǵan 18 jastan asqan qala turǵyndarynyń elordada jyljymaıtyn múlikti utyp alý múmkindigi bar. Aıta ketý kerek, utys oıyndary demeýshilerdiń kómegimen ótkiziledi.

Sondaı-aq «MEGA Silk Way» SOO vaktsınatsııa pýnktinde birinshi komponentpen vaktsınalanǵandar arasynda avtomobıldiń utys oıyny jarııalandy.

Elordada ótkiziletin utys oıyndary azamattardy vaktsına alýǵa yntalandyrý, osylaısha olar óz densaýlyǵyn, jaqyn jáne aınalasyndaǵy adamdardyń densaýlyǵyn saqtaıtynyn túsinýi úshin uıymdastyrylady. Óıtkeni, basty maqsat — ujymdyq ımmýnıtetti qalyptastyrý jáne qalypty rejımge oralý. Ujymdyq ımmýnıtettiń úlesi 60%-dan asýy kerek.


Joǵary qaraı