Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Elordada jáne birqatar óńirde aýa raıyna baılanysty eskertý jarııalandy

2019 jyldyń 5 jeltoqsan 2019 15:29

NUR-SULTAN. QazAqparat - Aýa raıynyń buzylýyna baılanysty Qazaqstannyń birqatar oblystarynda eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.

6 jeltoqsanda Qyzylorda oblysynda ońtústik-batystan soqqan jel kúsheıip, keı jerlerde jel ekpini 15-20 m/s jetedi.

Aqmola oblysynda 6 jeltoqsan - kúndiz, 7 jeltoqsan - táýlik boıy ońtústik-batystan jel soǵady. Jeldiń kúshi - 15-20 m/s, keı jerlerde - 23-28 m/s, ekpini - 30 m/s jetip, odan asady.

6 jeltoqsanda Aqmola oblysynyń keı jerlerinde qatty jaýyn-shashyn (jańbyr, qar) kútiledi. 6-7 jeltoqsanda keı jerlerde tuman túsip, kóktaıǵaq jáne burqasyn bolady.

6 jeltoqsanda Kókshetaý qalasynda keı ýaqytta burqasyn kóterilip, kóktaıǵaq bolady. Ońtústik-batystan jel soǵady, kúndiz jel ekpini - 15-20, 23 m/s. 7 jeltoqsanda túnde jáne tańerteń ońtústik-batystan soqqan jeldiń jyldamdyǵy sekýndyna 15-20 metrge jetedi.

6 jeltoqsanda Qostanaı oblysynyń keı jerlerinde burqasyn soǵyp, tuman túsedi. Kóktaıǵaq bolady. Ońtústik-batystan jel soǵady. Túnde keı jerlerde jel ekpini - 15-20 m/s, kúndiz - 15-20, 23-28 m/s jetedi.

6 jeltoqsan kúndiz Qostanaı qalasynda burqasyn kóteriledi, ońtústik-batystan soqqan jeldiń ekpini - 15-20 m/s.

6 jeltoqsanda Jambyl oblysynyń keı jerlerinde tuman túsip, kóktaıǵaq bolady. Ońtústik-batystan jáne batystan soqqan jeldiń kúshi ekpini 23-28 m/s deıin kúsheıedi. Kúndiz aýa temperatýrasy 0-5 gradýs jyly, keı jerlerde temperatýra kúrt tómendep, 3 gradýs aıaz bolady.

Shyǵys Qazaqstan oblysynda 6 jeltoqsan - kúndiz, 7 jeltoqsan - táýlik boıy, sondaı-aq Pavlodar oblysynda 7 jeltoqsan - táýlik boıy, 8 jeltoqsan – túnde ońtústik-batystan kúshti jel soǵady. Jeldiń kúshi - 15-20 m/s, keı jerlerde - 23-28, 30 m/s bolady jáne odan asady.

6 jeltoqsanda Shyǵys Qazaqstan oblysynyń keı jerlerinde qatty jaýyn-shashyn (jańbyr, qar) bolady. 6-7 jeltoqsanda keı jerlerde tuman túsip, kóktaıǵaq jáne burqasyn kútiledi.

6-7 jeltoqsanda Nur-Sultan qalasynda burqasyn kóterilip, kóktaıǵaq bolady. Ońtústik-batystan soqqan jeldiń kúshi 15-20 m/s jetedi. 6 jeltoqsan - kúndiz, 7 jeltoqsan - táýlik boıy jel ekpini 25 m/s deıin kúsheıedi.

Soltústik Qazaqstan oblysynda 6 jeltoqsan - kúndiz, 7 jeltoqsan - táýlik boıy ońtústik-batystan soqqan jel kúsheıip, ekpini - 15-20 m/s, keı jerlerde 23-28 m/s, 30 m/s jetip, odan asady. 6-7 jeltoqsanda keı jerlerde tuman, kóktaıǵaq, burqasyn kútiledi. 6 jeltoqsan Soltústik Qazaqstan oblysynyń basym bóliginde qar jaýady.

6 jeltoqsanda Petropavl qalasynda qar jaýyp, burqasyn soǵady. Kóktaıǵaq bolady. Ońtústik-batystan jel soǵady. Jel ekpini kúndiz sekýndyna 23-28 metrge deıin kúsheıedi.

6 jeltoqsanda Aqtóbe oblysynyń keı jerlerinde burqasyn kóteriledi. Ońtústik-batystan soqqan jeldiń jyldamdyǵy - 18 m/s.

6 jeltoqsan Aqtóbe qalasynda keı ýaqytta burqasyn soǵady. Ońtústik-batystan jel soǵady, ekpini - 16 m/s.

Joǵary qaraı