Aýa raıy
Astana 25 °S
Almaty 26 °S
valıýta baǵamy
USD 405.69
EUR 455.51
RUB 5.72
CNY 57.42

Elordada jaryqtyń sónýi: Apat saldary tolyq joıyldy

2019 jyldyń 11 qarasha 2019 18:35

NUR-SULTAN. QazAqparat – Elordada jaryqtyń sónip qalý oqıǵasyna baılanysty brıfıng ótti, dep habarlaıdy QazAqparat tilshisi.

«10 qarasha kúni saǵat 03:50 mınýtta 101 qyzmetine habarlama kelip tústi. Aldyn ala málimet boıynsha, Syǵanaq kóshesi, 12-úıdegi 5 metr elektr kabeli janyp jatqany anyqtaldy. Oqıǵaǵa baılanysty arnaıy shtab qurylyp, avarııany joıý jumystary belsendi júrgizildi», - Nur-Sultan qalasy Tótenshe jaǵdaı departamentiniń ókili Raıymbek Álimǵazyuly.

Sondaı-aq, Nur-Sultan qalasynyń Otyn-energetıkalyq kesheni jáne kommýnaldyq sharýashylyq basqarmasy basshysy Ernat Bázil dál qazirgi ýaqytta qaladaǵy barlyq nysandarǵa jaryq berilgenin jetkizdi.

«Arnaıy top eki kún jumys istep, avarııanyń saldaryn tolyq joıdy. Qazirgi ýaqytta ǵımarattar men kóp qabatty keshenderdiń barlyǵyna elektr qýaty berildi. Tek «Báıterek» monýmenti men «Moskva» bıznes ortalyǵy jarty saǵattan keıin elektr qýatyna qosylady», - deıdi Ernat Bázil.

Kabeldik jelilerdi qalpyna keltirý úshin 15 adamnan turatyn avarııalyq-qalpyna keltirý brıgadasy men 8 arnaıy tehnıka jumyldyrylǵan.

Eske sala ketsek, buǵan deıin Qasym-Jomart Toqaev elordadaǵy apatty jaǵdaıǵa baılanysty arnaıy komıssııa qurýdy tapsyrǵan bolatyn. Qurylǵan komıssııanyń alǵashqy otyrysy ótti.

Sondaı-aq, elordada jaryqtyń sónip qalýyna baılanysty qylmystyq is qozǵaldy.

Avtor Zarına Qaharman
Basty sózder: Nur-Sultan, Qoǵam,
Joǵary qaraı