Aýa raıy
Astana 19 °S
Almaty 19 °S
valıýta baǵamy
USD 412.55
EUR 465.73
RUB 5.79
CNY 58.91

Elordada jaryqtyń sónýi: Apattyq brıgadaǵa syıaqy beriledi

2019 jyldyń 11 qarasha 2019 20:40

NUR-SULTAN. QazAqparat - Nur-Sultan qalasynda elektr qýatyn qalpyna keltirgen apattyq brıgada jumysshylaryna syıaqy beriledi. Bul týraly Nur-Sultan qalasynyń Otyn-energetıkalyq kesheni jáne kommýnaldyq sharýashylyq basqarmasynyń basshysy Ernat Bázil aıtty, dep habarlaıdy QazAqparat tilshisi.

«Qala ákimi tez arada komıssııa qurdy. Ol nysandarǵa eki saǵat saıyn baryp, barlyǵynan habardar bolyp otyrdy. Búgingi tańda 1,5 táýlik boıy jumys istegen 16 adamǵa syıaqy berý týraly tapsyrma berildi. Túnde -18 gradýs bolǵanyn jaqsy bilesizder. Olar osyǵan qaramastan, tynbaı jumys istedi», - dedi Ernat Bázil elorda ákimdiginde ótken baspasóz máslıhatynda.

Nur-Sultan ákimi Altaı Kólginov te Instagram-paraqshasynda jumyskerlerge alǵysyn bildirdi. «Elektr jelilerin qalpyna keltirgen AREK qyzmetkerlerine alǵys aıtamyn!», - dep jazdy ol.

Eske sala ketsek, 10 qarashada túngi saǵat ekide «Levoberejnaıa» 110/10 kV shaǵyn stantsııasynyń 10 kV kabel kanalynda órt shyǵyp, kabel lınııasy zaqymdandy. Saldarynan birqatar kóshedegi abonentter elektr jaryǵynan ajyratyla bastady. Bular - Qonaev, Syǵanaq, Túrkistan, Almaty jáne Dostyq kóshelerindegi barlyǵy 25 nysan men 7 turǵyn úı kesheni. Olardyń arasynda Aqorda, Parlament Senaty men Májilisi, Mınıstrlikter úıi, Úkimet úıi, Joǵarǵy sot, Ulttyq kitaphana, Ulttyq muraǵat ǵımarattary, «Báıterek» monýmenti bar. 11 qarasha, tańerteńgi saǵat 07.00-de energııa jartylaı berile bastady.

Memleket basshysy Qasym-Jomart Toqaev oryn alǵan apatqa baılanysty Úkimetke arnaıy komıssııa qurýdy tapsyrdy.

Búgin tús aýa Úkimet basshysynyń orynbasary Roman Sklıardyń tóraǵalyq etýimen tótenshe jaǵdaıdyń sebepterin anyqtaý jónindegi komıssııanyń alǵashqy otyrysy ótti.

Oqıǵaǵa baılanysty qylmystyq is qozǵalyp, onyń aldyn ala sebebi ataldy.

Avtor Zarına Qaharman
Basty sózder: Oqıǵa, Nur-Sultan,
Joǵary qaraı