Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada jas tergeýshiler kezdesýi ótti

2021 jyldyń 25 tamyz 2021 20:01

NUR-SULTAN. QazAqparat – Elordada QR Konstıtýtsııa kúnine oraı sot salasy ardagerlimen kezdesý uıymdastyryldy, dep habarlaıdy QazAqparat tilshisi.

«Zań salasynda qyzmet etetin jandar úshin Konstıtýtsııa kúniniń orny bólek. Bizdiń basty mindetimiz azamattardyń quqyǵy men bostandyǵyn qorǵaý. Bizdiń kezimizde Konstıtýtsııaǵa erekshe mán berilip, arnaıy pán retinde oqytyldy. Ata zańdy bilý ár azamattyń paryzy jáne ony únemi nasıhattap júrýimiz tıis. Bizdiń ómirimizdiń barlyq sáti osy Konstıtýtsııanyń ishinde jazylyp, zańmen bekitilgen. Men ózim kóp jyldar sot salasynda eńbek ettim, sýdıa boldym. Degenmen qyzmettegi bastapqy 3 jylynda tergeý salasynda jumys istedim. Sondyqtan bul sala maǵan bóten emes. Oqý bitirgen soń aýdandyq sotta tergeýshi bolyp qyzmet atqardym. Qylmystyq iste basty tulǵa ol tergeýshi», - dedi QR Joǵary Sottyń burynǵy sýdıasy, Qazaqstannyń oblystyq sýdıalarlarynyń tóraǵasy, «Qurmet» ordeniniń ıegeri Amangeldi Rysqalıev jas tergeýshilermen kezdesýde.




Sondaı-aq, atalǵan jıynda sala ardagerleri óz tájirıbesimen bólisti.

«Táýelsizdik tarıhymen sabaqtastan sizderdiń mándi ári qyzyqty ómir joldaryńyz keleshek urpaqqa ónege. Búgingi jıynda ardagerlerimiz jańa býyn ıaǵnı jas tergeýshilerge Táýelsizdik jolynan syr shertip, oı bólisedi. Búgingi jıynǵa elordanyń jas tergeýshi mamandary qatysyp otyr. Jas mamandardyń búgingi jıynnan alary kóp», - dedi QR ІІM Tergeý departamentiniń basshysy Sanjar Ádilov.




Aıta keteıik, sharany QR Іshki ister mınıstrligi Tergeý departamenti uıymdastyrdy.

Atalǵan kezdesýdiń qurmetti qonaqtary Amangeldi Rysqalıev D.I.Kýrskıı atyndaǵy Saratov zań ınstıtýtynyń túlegi, QR Joǵarǵy Sotynyń burynǵy sýdıasy, Qazaqstannyń oblystyq sottarynyń burynǵy tóraǵasy, Qurmet ordeni men basqa da kóptegen nagrada ıegeri.

Imanáli Baıdáýlet medıtsına ǵylymynyń doktory, I.M.Sechenov atyndaǵy Máskeý memlekettik medıtsınalyq ınstıtýtynyń «Emdeý isi» mamandyǵynyń túlegi, medıtsına polkovnıgi, QR Joǵarǵy Keńesiniń burynǵy depýtaty, Qurmet ordeniniń ıegeri.

Esbergen Alaýhanov A.A.Jdanov atyndaǵy Lenıngrad memlekettik ýnıversıtetiniń túlegi, zań ǵylymdarynyń doktory, professor, Qazaqstannyń eńbek sińirgen qaıratkeri, Qurmet ordeniniń ıegeri, jazýshy, quqyqtyq ilimderiniń jattyqtyrýshysy.


Joǵary qaraı