Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada «Jastar jalyny-2021» shyǵarmashylyq baıqaýy bastaldy

2021 jyldyń 21 qyrkúıek 2021 21:50

NUR-SULTAN. QazAqparat - Elordalyq Jastar saıasaty máseleleri basqarmasy «Jastar jalyny-2021» jastar shyǵarmashylyǵynyń baıqaýy bastalǵanyn habarlady.

Oǵan KVI-ǵa qarsy ekpe alǵan 29 jastan aspaǵan qalalyq joǵary oqý oryndarynyń stýdentteri qatysa alady, dep habarlaıdy Nur-Sultan ákimdiginiń resmı saıty.

Konkýrs jastar saıasaty salasyndaǵy basymdyqtar men mindetterdi iske asyrý, qala jastarynyń shyǵarmashylyq damýyna jaǵdaı jasaý, stýdent jastardyń rýhanı-mádenı áleýetin damytý, sondaı-aq stýdentterdiń estetıkalyq jáne etıkalyq tárbıesin jetildirý maqsatynda ótkiziledi.

Dástúrli baıqaýǵa COVID-19-ǵa qarsy vaktsınatsııadan ótken 29 jasqa deıingi elordalyq JOO stýdentteri qatysa alady.

Jarysqa qatysý stýdent oqıtyn JOO-nyń Jastar isi jónindegi komıteti arqyly júzege asyrylady.

Ótinimder osy jyldyń 11 qazanyna deıin qabyldanady. Baıqaý 10 nomınatsııa boıynsha ótkiziledi, onyń ishinde: estrada; ulttyq bı; zamanaýı bı; mýzykalyq aspaptar; aıtys; poezııa; medıa; teatr; sýret salý; jastar kúshi.

Baıqaýdyń saltanatty ashylýy 11 qazanda, al jeńimpazdar men qatysýshylardy marapattaý 16 qazanda gala-kontsertte ótedi.

Qosymsha aqparatty myna telefon arqyly alýǵa bolady: 8 702 118 29 35.


Basty sózder: Jastar, Mádenıet, Nur-Sultan,
Joǵary qaraı