Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elordada joǵalǵan balalar tabyldy

2021 jyldyń 31 shilde 2021 09:36

NUR-SULTAN. QazAqparat – Ótken túnde elordada joǵalǵan balalar tabyldy, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.

Baspasóz qyzmeti taratqan málimetke qaraǵanda, polıtsııanyń 102 nómirine qala turǵynynan 9 jáne 11 jastaǵy balalarynyń joǵalyp ketkeni týraly habar túsken. Osyǵan qaraı elorda Polıtsııa departamentiniń jeke quramy túgel balalardy izdeýge jumyldyryp, olardyń barýy múmkin barlyq jer tekserildi. Elorda saqshylary qalany jaıaý sholyp júrip, balalardy 27 shilde kúni tapty.

Keshe túngi saǵat 02:00-der shamasynda Nur-Sultandaǵy Tarhan kóshesinde polıtsııa qyzmetkeri Nurjanǵanı Búrkit iz-túzsiz joǵaldy dep jarııalanǵan eki balany baıqap qalǵan.

Tártip saqshylary balalardy «Baıqońyr» aýdanynyń polıtsııa basqarmasyna jetkizdi.

Belgili bolǵanyndaı, balalar kúndiz úıinen shyǵyp ketip, qaıtyp oralmaǵan. Aldymen anasy balalardy ózi izdep tappaq bolǵan. Alaıda óziniń áreketinen nátıje shyqpaǵan soń ol kelesi kúni polıtsııaǵa shaǵymdanǵan.

Bul áıel balalarynyń túnde úlkenderdiń qaraýynsyz jibergeni úshin osyǵan deıin de birneshe márte ákimshilik jaýapqa tartylǵan. Osyǵan qaraı qazir bul otbasy baqylaýǵa alyndy. Al balalar aman-esen úılerine qaıtty.

«Nur-Sultan qalasynyń Polıtsııa departamenti kámeletke tolmaǵan balalardy tárbıeleý, asyraý jáne bilim berý boıynsha jaýapkershilik qarastyrylǵanyn eske salady»,-delingen habarlamada.


Perevod Aıdar Ospanalıev
Basty sózder: Oqıǵa, Nur-Sultan,
Joǵary qaraı