Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordada júk kólikteriniń jol erejesin buzý jaǵdaıy avtomatty tirkeledi

2022 jyldyń 22 sáýir 2022 14:30

NUR-SULTAN. QazAqparat - Elordada júk kólikteriniń jol erejesin buzýyn avtomatty tirkeý qolǵa alyndy. Bul týraly Nur-Sultan qalalyq polıtsııa departamenti Ákimshilik polıtsııa basqarmasynyń bastyǵy Eljan Shúpekov aıtty, dep habarlaıdy QazAqparat tilshisi.

«Josparymyz óte kóp. Degenmen, qazirgi ýaqytta negizinen jemqorlyqqa qarsy jumys istep jatyrmyz. Sondyqtan polıtsııa qyzmetkerlerdiń halyqpen tikeleı aralasýyn tómendetýdemiz. Barlyq protsesti avtomattandyryp, búkil máseleni tsıpfrlandyryp, avtomatty rejımde júrgizetin bolamyz. Osy baǵytta damyp kelemiz. Túrli ereje buzýshylyq bar. Avtomobılderdiń jol boıynda, aıaldamada, turaqta turý erejesin buzýymen qatar júk kólikteriniń de erejeni attap ótýin avtomatty túrde tirkeýdi qolǵa aldyq. ıAǵnı, «júk kvadraty» dep atalatyn túsinik bar. Biz sol kvadratqa belgi qoıyp, ýchaskedegi ereje buzýshylyqtardy avtomatty túrde tirkeımiz» - dedi Eljan Shúpekov QazAqparat tilshisiniń saýalyna oraı.

Aıta keteıik, búginnen bastap elorda aýmaǵynda kóligin jol boıynda qaldyryp ketetin júrgizýshilerge aıyppul salý bastalady. Aıyppul salý qala kóshelerin aralap júretin 2 kóliktiń ishine ornatylǵan arnaýly apparat arqyly júzege asyrylady. Apparat quqyq buzýshylyq jasalǵan kólik quraldarynyń nómirlerin tanıdy jáne tirkeıdi, GPS⁄GLONASS kómegimen naqty oryn men ýaqytty anyqtaıdy.



Avtor Marlan Jıembaı
Basty sózder: Aıyppul, Kólik, Qoǵam, Nur-Sultan,
Joǵary qaraı