Aýa raıy
Astana -1 °S
Almaty -1 °S
valıýta baǵamy
USD 388.81
EUR 429.01
RUB 6.08
CNY 55.49

Elordada jyl sońyna deıin qandaı turǵyn úı keshenderi paıdalanýǵa beriledi

2019 jyldyń 20 qazan 2019 15:54

NUR-SULTAN. QazAqparat - Keshkilik qalany aralaý barysynda elorda ákimi Altaı Kólginov turǵyn úı keshenderiniń qurylys barysymen tanysty, dep habarlaıdy QazAqparat ákimdiktiń saıtyna silteme jasap.

N.Tilendıev dańǵyly men jobalyq ataýy C302 kóshe qıylysynda ornalasqan turǵyn úı kesheninde 419 páter bar. Satyp alý quqyǵynsyz jalǵa beriletin turǵyn úı halyqtyń áleýmettik osal toptaryna arnalǵan. Turǵyn úı kesheni jyldyń sońyna deıin paıdalanýǵa berý josparlanyp otyr.

Sondaı-aq, qala ákimi A. Kólginov qurylysy júrip jatqan turǵyn úı keshenine bardy (N.Tilendıev dańǵyly, Sarybulaqtyń boıynda). Osy turǵyn úı kesheniniń kilti 530 adam beriledi. Jalǵa beriletin turǵyn úı halyqtyń áleýmettik osal toptaryna da arnalǵan. Tapsyrý merzimi 2020 jyl.

A. Kólginovtiń atap ótýinshe, ǵımaratqa barlyq ınjenerlik jeliler júrgizilip, aýmaǵy abattandyrylǵanda ǵana, ıaǵnı tolyǵymen daıyn bolǵan kezde ǵana úıdi paıdalanýǵa berý qajet.

2019 jyldyń qorytyndysy boıynsha bıýdjet qarajaty esebinen jalpy sany 2 400 páterler tapsyrylǵan. Kelesi jyly turǵyn úı kólemi 3 esege artady.




Basty sózder: Nur-Sultan, Ákim, Turǵyn úı,
Joǵary qaraı