Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

Elordadaǵy Kanada Elshiligi janyndaǵy kúdikti kólik polıtseılerdi ábigerge saldy

2019 jyldyń 20 qyrkúıek 2019 16:30

NUR-SULTAN. QazAqparat – Elordadaǵy Kanada Elshiligi ǵımaraty janynda 5 kún boıy ıesiz turǵan kólikten kúdikti zat tabylǵan joq. Bul týraly Nur-Sultan qalalyq polıtsııa departamentinen málim etti, dep habarlaıdy QazAqparat tilshisi.

«Búgin tańerteńgi saǵat 09:30-da Nur-Sultan qalalyq PD Jedel basqarý ortalyǵyna Kanada Elshiligi ǵımaratynyń janynda shamamen 5 kún boıy reseılik nómiri bar «VAZ 21-10» markaly ıesiz kóliktiń turǵany jaıynda habarlama tústi. Kólik turǵan jerge shuǵyl jedel-tergeý toby jiberildi. Júrgizilgen tekserý sharalarynyń nátıjesinde polıtsııa qyzmetkerleri salonnan qurylysshylardyń arnaıy kıimi men kaskany baıqady. Kólikte basqa kúdikti zat bolǵan joq», - dep atap ótedi departamentten.

Vedomstvo málimetine sáıkes, qazirgi ýaqytta kólik aıypturaǵyna jetkizilgen. Kóliktiń ıesin anyqtaý jumystary júrgizilip jatyr.


Avtor Marlan Jıembaı
Basty sózder: Kólik, QR ІІM, Nur-Sultan,
Joǵary qaraı